——————————————————————————–
اخواتي الفطاير دي من روعتها بقت ادمان عندنا في البيت وبنتي كل يوم طلباها لانها خفيفة بشكل لا يوصف يعني ممكن الواحد ياكل صينية كبيرة وهو مش حاس وامس عملتها علي العشا بحشوة التونة المفضلة لدينا في البيت بالاضافة لحشوة الجبن (جبن+زيت زيتون+نعناع مجفف)والحمد لله اتنسفت
اولا الفطاير:
هنا بعد العجن وقبل التخمير:
وبعد التخمير
هنا بعد التشكيل وقبل التخمير مرة اخري بفردها واقطعها باي قطاعة او حتي كوب
وعذرا لم اصورها بعد التخمير مرة اخري
بس هنا بعد الخبز وخروجها من الفرن ريحتها الروعة تملي البيت
ودة طبق مني لكم
نيجي للحشوة الخطيرة فعلا حشوة التونة
نشوح بصلة مع فصين ثوم لحد ماريحتهم الحلوة تطلع وبعدين نضيف الفلفل الرومي مع طماطم(ممكن الاستغناء عنها)ونتركهم شوية مع التقليب حتي يدبل الفلفل والطماطم تنزل مايتها تماما
ثم نضع التونة ونقلب ونضيف الملح والفلفل وبعدين نحطها في طبق تبرد شوية
واخيرا نضيف عليها المايونيز
مقادير العجينة والاساس فيها لمنال العالم:
3 كوب دقيق
ربع كوب زيت
ربع كوب زبادي
3( م ك سكر)
1 م ك خميرة
نصف م ص بيكنج بودر
ذرة ملح
ماء دافئ حسب الحاجة
انا زودت 3 م ك لبن بودرة دي اساسي عندي من زمان
وبالف هنا وشفا
