4 كوسات مقطعة طرنشات
2 طماطم مقشرة و مقطعة جوانح
2 بصلة كبيرة مقشرة و مقطعة جوانح
1 فلفل اخضر حامى
نص فلفلة حمرا رومى و نص فلفلة خضرا مقطعين جوانح
( التبيلة )
معلقة واحدة كبيرة زيت زيتون – ربع معلقة صغيرة جنزبيل – شوية توم مفرومين خشن
رشة ملح صغيرة – معلقة شطة صغيرة لو بتحبي الشطة – رشة فلفل اسمر صغيرة
-_-_-_-_-_-_-_-_-_-_-_-_-_-
الطريقة
تجيبي كل الخضار اللى قطعتيه جوانح و تخلطيه على بعض كويس
و بعدين فى طبق صغير تعجني كل مكونات التبيلة و تحطى شوية شوية على ايدك
وتقلبي بيها الخضار بحيث يتشربها كله
و بعدين تجيبي الصينية و ترصى طبقة خضار من دا
بعدين تحطى اللحم اللى انتى سلقتيه
وترصى فوقه تلتين الكوسة
بعدين طبقة خضار تانية
بعدين تلت الكوسة اللى فاضل
بالشكل دا
وتزوديه شوية شوربة ( علشان تضمنى ان الشربه مفهاش دهون حطيها فى الثلاجة
الدهون هتطلع فوق شيليها بالمعلقة )
و تسيبيها على النار فوق و تغطيها 10 دقايق
بعدين دخليها فرن سخن و تكونى ايدة الشواية اللى فوق بس
خمس دقايق و تخرجيها
