مستعده تاخذين ذنوب البنات وربج بيحاسبج عليها!!!!!
______________________________ __________
السلام عليكم ورحمة الله وبركاته
بنات والله قلبي يعورني واحس نار شابه فيني !!
متضايقه حدي
انا موفاهمه بالضبط يعني البنات اللي تكتب مواضيع عن اشياء حرااااام ماتجوز تغضب ربنا سبحانه
شنو موخايفين الله فينا!!!!
صراحه المنتدى انترس مواضيع ماتجوز يعني بدون تفكير كل وحده سطرت لها عشرين موضوع بقسم واحد
عن بطل الابطال طبعا !!
(الحب)
تقصون على روحكم !
اوكي مومشكله البنات اللي يكلمون شباب الله يهديهم ان شاء الله هذول مانيأس منهم لان كذا بنت ماشاءالله
قالوا انهم بطلوا هالسوالف واعترفوا انها غلط
المشكله باللي تتجرأ وتكتب موضوع كاااااااااااااامل عن هالشي !! شهالجرأه
سبحان الله بدال لاتستر على روحها تتكلم وبكل جرأه انها تكلم واحد وجنه العيد
ولا كأنه اللي تسويه اول شي حرام
وغلط
وعيب!
اللي يحر صج,اني ايام المراهقه لمن كنت اقرا هالمواضيع استغرب وافكر اقول لروحي عادي مافيها شي
بحب لي واحد كاهم بنات شكثرهم يكلمون شباب!!! شفتوا المصيبه بس الحمدلله الحمدلله اللي ابعدني عنهم
يعني لو بنت ثانيه نفس موقفي بالضبط وكانت فالته شوي ومراهقه وتقدر تدش وتطلع على كيفها
لاتقولون مع بنات خالاتها او رفيجاتها!!ترى نفس الشي جنها طالعه بروحها بنت اعرفها تكلم واحد وبنت
خالتها اللي عرفتهم على بعض
جان قدرت تكلم لها مو واحد! لااا عشر شي يعور القلب والله يضيق الخلق
ترى نعاني احنا نربي ببناتنا هني ولي دشوا النت لقوا ان الف وحده تحب واحد شبيكون تفكيرها
لاتقولون الحمدلله واثقين ومتربيه والله ماله شغل
المراهقه صعبه جدا جدا تقعدين تكلمين البنت سنه وتطلع لج قرون بالغصب تفتهم وتستوعب هالشي جدا طبيعي
موبس المراهقات حتى حريم كبار يسوون هالسوالف ,الشيطان شاطر الله يلعنه
طبعا غير مواضيع حف الحواجب والتاتو الاكستنشن وتركيب الاظافر والرموش وعمليات لتجميل
والغمازات والبوتكس(بستغل الفرصه وبقول حكم ابر التفخ حرام بس الكريمات يجوز لوووووووول)
وبلاااااااااوي استغرب لمن
اقراها صراحه اقول معقوله مايدرون حرام؟وفعلا بعض البنات قالوا انهم مايدرون عقب ماسألتهم
الزبده:
رجااااااااااااااااءا رجاءا بنات تكفون اترجاكم
قبل لاتكتبون موضوع
حطوا الله بين عيونكم
انتي قاعده تكلمين صبي وعايشه قصة حب معاه كيفج ,بس مالج حق تعيشين البنات بخيااااال ويذبحهم الفضول
ويبون يشوفون شنو هذا اللي قاعد يصير معاج
واتقوا الله فينا وفي بناتنا
وتخيلي لو بنتج فتحت موضوع جذي بترضين تقراه؟؟؟لو جكيتي بنتج تكلم واحد!بترضين
وتقولين عادي ماما الحب مافيه شي حب شريف <<< والله احتيال على الدين شنو شريف؟؟؟؟
ويا بنات رجاءا لمن تقعد وحده تنصح لوجه الله ثم لمصلحة المجتمع لاتقعدون تناقشونها وتعلقون ياكرهي وملاقه
وكلشي حرام !خاصه اذا مع ادله من القرآن والحديث شنو مومسلمين احنا؟؟؟؟
اذا ماعجبكم الحجي سكتوا مو لازم تعلقون!! الحمدلله اذاواحد عنده معلومات عن شي معين بالدين
وحب ينصحكم وحب لاخوانه مايحب لنفسه تسوون جذي !
ترى تحبطون بشكل مو طبيعي!بدال لاتشجعونها وتساندونها تسوون جذي!
مادري شقول للبنات اللي يسوون جذي الا اقروا
الله سبحانه و تعالى أمر سيدنا جبريل أن يهدم قرية على من فيها. فقال : يارب إن فيهم عبدك فلان العابد الساجد الذي لا يزال يذكرك ويعبدك . فقال يا جبريل به فابدأ . قال: يا رب كيف ؟
قال انه لم يتمعر وجهه في قط أي أن وجهه لم يحمر أبدا لما يحدث في هذه القرية من المعاصي و أن لم يفعلها بل كان سلبى نحوها و كأنها أصبحت أمرا معتادا عليه و مسلما به فى المجتمع
يالله اقروا هالحديث والله يكش جسمي لمن قريته
أن النبي صلى الله عليه وسلم قال: "والذي نفسي بيده لتأمرن بالمعروف ولتنهون عن المنكر، أو ليوشكن الله أن يبعث
عليكم عقاباً من عنده، ثم لتدعنه فلا يستجيب لكم" بنات ترى هذا مومعناته اني اصوم النهار واقيم الليل!!
بس اني كنت ماعرف هالاشياء ولمن عرفتها تأثرت فيها صراحه وتذكروا (لايؤمن احدكم حتى يحب لأخيه
مايحب لنفسه) اللهم صلي على حبيبنا محمد وعلى آله وصحبه اجمعين
الف حمد وشكر لك يارب احنا بديره مسلمه اولا,ومتروسه ناس خيرين الله حسيبهم ويكثر منهم يارب ويهدينا
ومنعم علينا نعم الدول الثانيه تحسدنا عليها وتتمناها,هذا كله من فضله وكرمه سبحانه والله موشطاره منا ولا
من نفطنا لاوالله شوفوا شلون كنا عايشين قبل لايطلع البترول وفجأه الله سبحانه صب علينا النفط صب
وتبدل الحال بجم سنه ,هذا من شنو؟؟؟ حظ؟ لا والله هذا ان شاء الله من اعمال الكويتيين وخوفهم من الله
والله لو تدرون شكثر كانوا جاهلين بالدين بشكل موطبيعي مساكين بس قلوبهم البيضه وخوفهم من الله بالرغم
من جهلهم
الحين بدال لانشكر ربنا سبحانه بكل هالنعم اللي لاتعد ولاتحصى نتجرأ ونجحد ونتفاخر بالمعصيه!!!
بناااااااااااااااات لاتسكتون اذا قريتوا موضوع جذي لاتخافون انا لاحظت البنات مايتكلمون مادري ليش
الظاهر يخافون يلاسنونهم البنات او شغله جذي لان صار لي موقف جذي
بس من عقبها قلت الحين الحق غلط والباطل صح!!!!
وبالأخير ماقول الا ن شاء الله يارب ينقلب حالنا فوق تحت ونتغير وبإذن الله ببدا انا بنفسي
وبليز بنات مابيكم الا ترفعون الموضوع بدعوه حلوه منكم وتقولون
اللهم استخدمنا ولاتبدلنا ولاتؤاخذنا بما فعله السفهاء منا واعفوا عنا واغفر لنا زلاتنا وصلح حالنا
واهدنا لما تحب وترضى واتمم علينا نعمك الحلاااااااااااااااال يارب العالمين ياذو الجلال والاكرام
اللهم آمين آمين
اما بلنسبه للحب والعلاقات وكدا اكيد دا شيء غلط وميصحش خالص لكن متنسيش ان في حب طاهر و حب صادق
يعني بنت حبت واحد قريبها وهو حبها ومش لازم يكونو بحبو في بعض طول النهار يعني واتجوزو ايه الغلط في دا
متاخديش الموضوع من بره في امثله في الحب جميله فعلا
وكمان الحرمان من الحب شيء مش جميل كل شيء بلمعقول بيكون افضل
واختلاف الراي لايفسد للود قضيه
تقبلي مروري
اختي زيزي نورتي في المشاركة الحلوة بس انتي كانك معصبة !! 😮 ليش هاد راي الي كتب المقال وفي منه 99% صحيح والموضوع ما اعتقد انه دايقك الكل اليه الحق بالتعبير على رايه باي كلمات بيختارها اساسها الاداب و احترام الاخر, وعشان هيك ربنا خلق الحوار وان شاء الله يكون في حوار الاخوات في الموقع فايدة و معرفة للجيمع ومرة تانية مشكورة بمشاركتك الرايقة :7_5_122[1]: