…….
اليوم وأنا ألفلف بالنت والمواق:051:ع جذبني موضوع ،،، هو من زمان انا ودي أتكلم
فيه بس اليوم قلت يكون مدعم بالتجربه والكلام الطبي افضل …
اول شي الموضوع يتعلق بصوره خاصه بالمتزوجات
،،،
تنبيـــــــــــــــــــــــــه وتحذيـــــــــــــــر :
بنات فديتكم الي مو متزوجه ( البنات العذراوات ) ما يستخدمون التحاميل ولا الدش المهبلي لا سامح الله يسببب فقدان لغشاء البكاره هذا للمتزوجات فقط
( كتبت التحذير بعد ما حسيت صار في اشتباه بالموضوع )
ندخل في موضوعنا على طول ونتبادل خبراتنا
؛؛؛؛؛
في اكثر من موقع شفت دعايات لتحاميل البيتادين وتباع على أنها
تحاميل تضيق ،،، تنظف ،، تستخدم بعد الدوره
طبعا انا راح اتكلم من تجربه شخصيه مع دكتوره متميزه في مجالها وخبره
اكثر من 40 عام ما شاء اللّه ،،،
رحت للدكتوره وانا عندي قرحه وقررت الدكتوره عمل كي لعنق الرحم
،،، بعد العمليه وعلاج متواصل بين مضادات حيويه وو كريمات مهبليه
قررت الدكتوره تعطيني تحاميل البيتادين ،،
وقالت انها عباره عن سبع تحميلات مهبليه كل ليله تستخدم وحده ،،
ونبهتني لشي مهم جدا قالت كورس البيتادين لازم يكون كامل يعني
مو تحميله وحده وتضيقنا و تنشفنا وترجعنا بنوتات ما في هذا الكلام ابــــداً
التحاميل هذي علاجيه وفي نقطه مهمه ..
تحاميل البيتادين ما تنزل ثاني يوم ولا بعد اسبوع ممكن تبقى عشر ايام
داخل المهبل على شكل ( تامبــــــون ) حتى تقوم بعملها العلاجي
يعني تحميله بعد تحميله وما تشوفون شي ينزل الا فتات صغير ،،،
وبعدها تنزل على شكل كتله وحده وممكن تكون محمله بقطع دم او آثار
جروح ( لا تقولون لوعتينا لازم نعرف شنو يصير معانا ) هذا معناه انها ادت
عملها الكامل …
بعد ما سبق ذكره كان سؤالي للدكتوره كيف نتجنب الالتهابات المتكرره
وتعرضنا لقرحة عنق الرحم ؟؟؟
وكان ردها هو :
المحافظه على النظافه الشخصيه واستخدام الغسول المناسب خارجيا
واستخدام غسول مهبلي مطهر مره بالاسبوع …
طبعا الغسول الخارجي فيه عده انواع ممكن الكيرفري
او السيتيال او اي غسول طبي خارجي من الصيدليه …
والغسول المهبلي الي نصحت فيه هو غسول البيتادين الي راح افصل
الشرح عنه حتى نستفيد جميعا ….
غسول البيتادين ،،،( الكلام من النشره المرفقه معاه )
يستعمل كمنظف مهبلي لعلاج حالات الالتهابات المهبليه الناتجه عن عدوى
الكانديدا او الترايكوموناس او العدوى غير محددة السبب او متعددة الاسباب
وكذلك في تعقيم المهبل للتحضير قبل العمليات الجراحيـــــه ،،
طبعا لا ينصح باستخدامه للحوامــــــــل
ولا للراغبات بالحمل قبل الجماع
الحين اترككم مع الصور وطريقة الاستخدام :
هذي الصوره تبين الغسول مع العده كامله
رقم واحد كارتون الغسول صناعته يونانيه وسعره 62 ريال
رقم اثنين العلبه الي تحتوي غسول البيتادين المركز
رقم ثلاثه العلبه الي راح نحط فيها الغسول المركز ونخففه بالماء وطبعا
مصنوعه من ماده مطاطه قابله للضغط بسهوله عشان الغسول يتدفق داخل
المهبل
رقم اربعه الانبوب الي يدخل في المهبل ويرش من خلاله الغسول
رقم خمسه غطا العلبه رقم اثنين الي يعتبر معيار لمقدار الغسول
هذي اداة الدش المهبلي بعد ما ركبناها
شرح كامل ومفصل بالصوره كيف نركب اداة الدش المهبلي
الصوره هذي جدا مهم نركز فيها
هذي الوضعيات الي نستخدم فيها الدش المهبلي
الوضعيه الاولى
على كرسي التواليت وتدخلين الدش المهبلي وتضغطين
العلبه وتكررين العمليه الى ان تنتهين منها طبعا قد تحتاجين تطلعين
الدش المهبلي خارج المهبل عشان تمتلي العلبه بالهواء مره ثانيه
وتضغطينها مره ثانيه الـي ان تنتهي كمية الغسول
( من تجربتي ما انصح فيها هذي الوضعيه تسبب الم ومو مريحه ابدا )
الوضعيه الثانيه
وانتي واقفه وتضغطينها
( انصح فيها و مريحه لابعد حد وتحسين الغسول ادى مفعوله )
الوضعيه الثالثه
وانتي متمدده في البانيو نفس طريقة وضع التحاميل
( جيده للي عندها بانيو )
لهــــذا الحد انتهت تجربتي وعلى قدر استطاعتي حاولت افيدكم وافيد
نفسي
،،،،
تمنياتي لكم بصحة وعافية
~~ تسلم الانامل على الطرح الراقي
~~
مشكوره عموما خيتو ع الطرح
واختي أم تركي وتولين
الله يكتب لك السلامة وتولدي ع خير وصحة وعافية
الله يسهلك