الغسولات النسائية ومسك الطهارة والمسك الأبيض ــــاص للمخطوبات 2024.

الحمدلله رب العالمين والصلاة والسلام على سيد المرسلين سيدنا ونبينا محمد وعلى آله وصحبة أجمعين..

حبيت أكتب هذا الموضوع خاصة للمخطوبات عشان يستفيدوا ..

أول شي بالنسبة للغسول اللي يستخدم لتنظيف المنطقة بعد دخولك الحمام في نوعين منها طبي ومنها عطري الطبي مثال كير فري ويتواجد في كل الصيدليات وبعض السوبرماركت والعطري مثل برايد موجود عند نكتار وفي غيره كثير بس فضلت نكتار لان ريحته عجبتني..

الغسول الطبي يفضل استخدامه في بداية الزواج يعني أول اسبوعين كل مادخلتي الحمام وانتو بكرامه اتشطفي فيه وبعد الاسبوعين تكون المنطقة هديت وخف جرح الدخله تقدري تستخدمي الغسول العطري ..

بالنسبة ليلة الدخله بعد ماتصير يفضل انك تحطي ماء دافية وتحطي فيها قطرات من غسول بيتادين متواجد في الصيدلية وتجلسي فيها يستخدم كمطهر ومهدي وعن نفسي هذا اللي سويته كثير قالولي ملح خشن وماء بس فكرت وخفت يحرقني خاصة انه توه الجرح ماخف فاستخدمت البيتادين..

ملاحظة مهمة: بعد الدخله بكم يوم ولما تصير عملية الجماع من ثاني تحسي بالم اوحرقة خفيفة لكن مزعجه خذي قطنه وحطي فيها زيت زيتون وامسحي المنطقة ولاتخافي محا تطلخ ملابسك الداخلية بس بيخففلك الحرقة وبتدعيلي..

بالنسبة لمسك الطهارة أو المسك الأسود فأفضل نوعية المتوفر من عبدالصمد القرشي ويابنات لاتشترو اي شي من مكان مو موثوق خاصة في عنايتك بالمنطقة الحساسة وفي عند العربية وسعره ارخص لكن ماعجبني لاريحته ويسبب حرقة ويستخدم مسك الطهارة لتشطيف لمدة ثلاث ايام بعد الدورة وانت تحت الدوش او تشطيف عادي حطي في ايديك شوية واتشطفي بالماء ينظف ويطهر وريحته مو مرة بس أفضل بكثير من لاشي..

المسك الابيض وتلاقية برضة عند عبدالصمد القرشي هذا ريحته تجنن ورائع للتعطير يعني بعد ماتلبسي قميص النوم قبل النوم تحطي شوية على فخذك على ملابسك الداخلية من برى ريحته جنان وتجلس طوااال اليوم ..

وطبعا كل وحده بعد ماتستحمى حتستخدم لوشن وبدي سبري فممكن ماتحتاجي مسك الابيض غير لتعطير ملابسك او لما ماتكوني مستحمية توك..

اتمنى أكون أفدت كل البنات وأتمنى ماتنسوني بدعوه حلوة