صباح المسرات عليكم ..
رجاء اللي بتقول اني مسوقه او مندوبه او شيء من هالقبيل تحتفظ كلامها لنفسها لاني مابي الا الخير للبنات اعدهم زي خواتي
انا انسانه مهوووسه بكل شيء اسمه نظااافه وتفررررك ودعك وصابونيات ولوشنات اي شيء يخص الجمال والاهتمام بالنفس تلقوني اول وحده اتابعه ههههه
واحب اغامرر واجرررب مغامره من الدرجه الاولى..
بسم الله نبدا
عنايتي غير مو مثل اي عنايه والمنتجات اللي في السوق ماعاد صارت ترضيني وتعيني نتيجه اللي ابي ..
ادخل احيانا ع مواقع اجنبيه واحصل عندهم صابونات ولوشنات وسنفرات واشيااااء ماهي موجوده عندنا طيب ليييييش ؟
مايذبحني الا المواقع الكوريه والتايلنديه طبعا اقصد مواقع الجمال والاهتمام به .. اشوف لهم صور قبل وبعد بشراتهم اول تخررررع وبعد صافيه ومورده وبياااض يلق ويعمي العين من قوته … ابي اعرف شلووون
لاتقولون عمليات تجميل وجلسات عنايه
انا وحده ماخليت ولاعياده ولا مركز الا زرته وسوو لي جلسات وبرامج تفتيح ونضاره للوجه والجسم صح نتيجه جيده بس مووو مثل ا الللي ابيهاا ..
هم يسووون شيء اخر عنايتهم غيررر بالاضافهالى عيادات وجلسات التجميل ..
فما هم باحسن منااا وش ناقصني عنهم ..
وبديت رحلة البحث عن كيف احصل ع منتجات كويسه وحمدلله وفقني ربي ولقيتهاا ..
اول شيء السر الاول
العنايه الداخليه والنووووم النووووم يابنات الله الله فيه ناموووا حتى اكثر من حاجتكم ..
قبل النوم اشربواا حليب مع عسل طبيعي وشوي ماء ورد
او زبادي مع عسل
بعد ماتصحون الصباح وبعد صلاة الفجر وبعد ماتغسلون وجوهكم بغسولها اشربوا كاسين مااء معه موية ورد وزهرر وبعده ب 45 د
عصير برتقال مخلوط معه ملعقه عصير ليمون ومايكون بارد العصير ولا حار يعني بين بين
او ماء دافيء مع عصير ليمون وعسل
منها طاقه ونشاط وزياده مناعه وتنحيف وازالة دهون الجسم ودهون الدم
احرصوا ع الدقيق الكامل اقصد البر او النخالة لان الدقيق الابيض ترا مافيه فايده وكثرته يسبب تصبغات بالوجه
عن تجربه والله ..
وابعدوا عن المقالي والحلويات والشوكولاتات العدو اللدود للبشره
انصحكم بشوكليت الدايت اللي يجي معها فايبر رهيبه حتى للي يسوون حميه
والشوكولاتات الداكنه هذي ممتازه للنفسيه وللبشره وللجسم بشكل عام افضل من العاديه ..
اللي تحب القهوه العربيه تخفف منها عن تجربه تبهت الوجه واللي ماتقدر تستغني عنها ادمان يعني هههههه
تضيف لها حليب وزعفران اصلي لان هالمكونين يخففون من ضررها ع البشره وانا ماتكلم الا عن تجربه ..
كثروووا طماااطم او عصيررر طمااااط وفاكهة المانجوووو والفراولة والعنب هذولا لاتستغنون عنهم ابد
يوميا خلوا لكم حصة منهم والافضل تاكلونهم بين الوجبااات
الطماطم يحتوي ع الليكوبين وهالماده ممتازه للبشره غير ف يتامين سي والمانجو كذلك يحتوي ع جلوتاثيون
الفراوله فيتامين سي ومضادات اكسده
العنب كله مذادات اكسده وينزل سموم الجسم وينظف الكبد والبذر حقه لاترمونه كلوووه قطعوه باسنانكم
لانه مفيد مرررره للجسم والحين قاموا يسووون منه زييوت وكبسولات ايوووه هو هذا ياخذونه من بذور العنب ..
نجي للمهم
الصابون حق الجسم والوجه ..
صوابين الفلبينيه بجلوتاثيون وفيتامين سي او حبيبات اللؤلؤ .. خلوهم صابوناتكم الاساسيه او حابين تسووون فيهم صابونيه براحتكم ..
بعرض لكم كذا صابونه روعه
صابون جلوتاثيون
اضغطي هنا لمشاهدة الصورة بحجمها الأصلي
صابونه جلوتا باور
صابونة بيلوو الورديه المطوره بالجلوتاثيون
صابونة سكين وايت بالجلوتاثيون وفيتامين سي
صابونة جلوبا
يتبعع لاحد يرد لين اكمل ..
بااااك ..
بالنسبه للوشن الجسم اللي قلت لكم عنه سابقا برد في احد المواضيع اسمه لوشن الدوبل ميلك
يحتوي ع جلوتثيون واربوتين وفيتامين سي واي وب3
للتبييض قمه وللترطيب رووعه جدا ورائحته مميزه وجميله يصلح للعرايس بعد ريحته تعطيني سعاده وانتعااش لامثيل له
ومن نفس الشركة لوشن بالحليب مع انزيم كيو10 برضوا ريحته رائعه وترطيبه عالي ويبيض
انا اشتريهم كلهم واخلطهم جميعا واضيف لهم ملعقه صغيره زبدة شيا وزبدة ليمون ومنص فنجال زيت بذور العنب وقطرات من زيت الليمون 4 او 5 قطرات ماكثر لان الزيت مركز ..
وعقب ارجعهم بعلبهم عشان يسهلون علي الاستخدام
طريقتهم بعد الشاور انشف جسمي وادهنه من رقبتي الين اصابع رجولي
مدة التفتيح ع حسب الشاور اذ1 يوميا خلال اسبوعينن بيوضح التفتيح وشهر بيفتحك درجتين او 3 ع حسب طبيعه بشرتك وع حسب عنايتك الداخليه
..
بالنسبه للشور جل او مايسمى بالباث كريم وانا افضله اكثر من الشاور جل لانه الباث كريم يرطب واحيان يغني عن اللوشن اذ1 انا مستعجله ..
باث كريم دبل ميلك
باث كريم الحليب بانزيم كيو 10
***
نجي لمجموعة الجسم حليب ماسك وسكرب
للامانه انا الماسك اتعاجز استخدمه
ف اخلط نصفه بالصابونيه ونصفه بالسنفرة اللي بقولكم مكوناتها لاحقاا ..
بالنسبه لسنفرة الجسم …
انا لي اكثر من سنفرة
بس السنفرة اللي تنظف وتفتح وتبيض ومعتمدتهااا هي سنفرة جلوتاثيون ..
طريقتها ..
اخلط كاب مع سنفرة مشمش معها ملعقه صغيرة من زيت الجوجوبا وبذور العنب وشوي زيت ليمون
واحط معهااا برضوا سنفرة الجلوتاثيون اللي سبق ونزلت صورتهاا
ونصف كمية ماسك الحليب واححط معهم بودرة كولاجين مقدار 3 ملاعق وبودرة جلوتاثيون خام ( اطلبها من امازون) 3 ملاعق برضوا
وسبا التوت كيس كامل
( نفس ملح الحليب بس بنكهة التوت )
واخلطهم زين وارجعهم بنفس العلب واحكم الاغلاق وعند الشور اخذ قد ماحتاج بصحن بلاستك وارجع الباقي بالغرفه واحرص مايجيها مويااا ..
السنفرة هذي اتعب وانا اقول تهبل وروعه ورائحتها لذيذه
والسنفرة الثانيه الرائعه هي سنفرة فرانك
وسنفرة الثالثه
سنفرة القهوه التركيه للبياض والشد
مقدارها كالتالي
3 ملاعق قهوه تركيه
3 ملاعق بودرة كاكاو
4 -5 ملاعق كبيره سكر اسمرر
ملعقه طعام من كل من
زيت جوز الهند النقي
زيت الجوجبا
زيت اللوز المر
وقليل من موية زهر للعجن
طبعا يكون القوام زي عجين الكيك السايل ..
تستخدمونها بعد الصابونيه وتجلس ع الجسم مو اقل من 5 د
اخر شي تشطفونها بمويا وتستخدمون شاور جل
عن نفسي انا اكتفيت بالباث كريم دبل ميلك بدل الشاور جل
لان اكتشفت ان الشاور جل معطر زياده ع اللزوم ويجفف
..
مانصحكم تستخدمونها بالليل لانها تطير النوم افضل وقت لها هو الصباح او خلال فترة النهار
اللي تبي تصحصح بسرعه تتسنفر فيهااا وعد مني يطير النوم من عينهاا
.
سلمت يمناك حبيبتي على روعة الطرح
بانتظار جديدك المميز
