السلام عليكم ورحمة الله وبركاته
بدخل بالموضوع على طول
أنا بصف 1 ثنوي
طبعا أنقبلت بمدرسه ماكنت متقبلتها بسبب طالباتها مو زينين بالمره
ورحت لمدرسه ثانيه ولا أنقبلت الا بطلعة الروح
ومن أول يوم دخلت هالمدرسه وانا بضيق وتعب مايعلمه الا الله وربي أني عايشه بهم ولا شفت الراحه كرهت حياتي كرهت دنيتي صرت إنطوائيه كرهت اللي حولي صرت ماحب أطلع ولا أشوف الناس حتى أهلي ماجلس معهم خلآص النفسيه تدهورت حتى درجاتي مو زينه مو مرتاحه بهالمدرسه وأحاول أرفع معنويات نفسي بس ماقدرت خلآص تعبت مو قادره أرتاح واللي تاعبني أكثر صديقاتي مو معي والله أتمنى الموت بسبب هالضيق مع أني كونت لي صداقات بس مو قادره أكمل بالمدرسه مادري وش اللي جاني فجأه من أول يوم دخلتها أحس إني مظلومه واهلي مو هامهم وضعي والله حتى فرق بين الحين وبين أول أول كنت حيل مهتمه بنفسي ويحسدوني على شكلي أما الحين صارت لي هالات وجهي تغير من التعب والحين قررت أنقل للمدرسه اللي فيها صديقاتي طبعا على السنه الجايه بروح لهم وأغير المدرسه يمكن نفسيتي ترتاح وأرجع مثل أول لكن ………. اللي يهدي أمي وابوي
طبعا أمي رافضه وأصلا ماهمها نفسيتي كل اللي همها أني أنثبر بهالمدرسه وبالطقاق اللي يطقني ماتبغاني بالمدرسه الثانيه ولا راح تنقلني وأبوي يقول بنقلك بس إذا تسمعين كلامي خلك بمدرستك أحسن والله والله إني مو مرتاحه أبي أغير المدرسه وربي إني تعبت أتمنى الموت خلآص مابي أعيش وربي يمكن تقولون السالفه تافهه بس لما تكونون بمكاني بتحسون إحساسي والله يجيني شعور يخليني أفكر أنتحر أحس إني عايشه بقلق وربي صرت على طول متوتره وكارهه كل شي حولي أبي أعيش مرتاحه
ليه أهلي ماهمهم ضيقتي؟كل همهم أنجح بهالمدرسه حتى لو على حساب التعب اللي أنا فيه ليه كل همهم أدرس وبس؟ وشلون أنجح وانا نفسيتي معدومه؟وشلون أرتاح وأعيش طبيعيه وأنا عايشه بقلق؟أدعولي بالموت تكفون أنا أبي أرتاح وبنفس الوقت أبي أرضي والديني وش أسوي؟ماأبغى أسوي شي يغضبهم أخاف ربي مايوفقني..وقدامي نسبه أبغى أنجح مابغى أجيب الشهاده وبس انا لي طموح وأبغى أحققه بس شلون أحققه وانا بهالحال أبغى نفسيتي ترتاح ان شاء الله إذا أنا غيرت المدرسه برجع لحياتي طبيعيه ماحس لابهم ولا بضيقه بس أهلي الله يسامحهم
الله يخليكم ردوا علي ولو بدعوه أن ربي يحقق لي اللي أبيه
سامحوني ع الإطاله والله من ضيق صدري
اما عن مشكلتك فانا حاسة فيكي 100% لاني جرالي مثل ما جرالك بس في الجامعة بس انا حاولت غير جامعتي لاني ما تأقلمت ابد ا مع الجو بس للاسف كان الوقت اتاخر وما قدرت اعمل شيء غير اني اوقف الدراسة مؤقتا وطبعا بابا وماما عملو المستحيل حتى ما اوصل للشيء للي وصلتا وفي الاخر قدرت اقنعهم اني اتوقف عام.
بس هللا انا زعلانة منهم كتير لانهم خلوني وقف لاني هذاك الوقت كنت كتير مكتئبة وما كنت اقدر اخذ القرار الصح وكانو قادرينيمنعوني بس هوما ما غلطوا تركوني على راحتي
وانا بشوف حبيبتي انو والديك شايفين انو تفكيرك غلط وهما اكيد بدوروا على مصلحتك فحاولي ترضيهم احسن
والعام الجاي روحي على المدرسة الي انتي بدك ياها
اما صحباتك حاولي تتواصلي معهم وخاصة في الاجازات حتى ما تفتقديهم
وبس
واسفة حبيبتي على الاطالة
وربي يوفقك في دراستك لانها اهم شيء
انتي هونيها وتهون ولكل مشكله حل ..
او و و و ول شي تسوينه تصلين لله ركعتين بالليل وتستغفرين وتدعينه لان سهام الليل لاتخطئ..
ثاني شي اهتمي بنفسك وذاكري ترى مارح ينفعك الا شهادتك وترى الدنيا حلوه بس احنا اللي نخربها عيشي الجانب الحلو فيها ولاتنسين ان الاشخاص العظام ماوصلو للي وصل له الا بعد طلعة روح..
انتي كلمي امك وابوك بهدوء واذا مانفع سوي حاجه تخليهم يتراجعون انا ماحرضك لا ..
بس مثلا لاتاكلين قدامهم ولا تشربين بس في الخفاء كلي مثل ماتبين <<ههههههههههههه حلوه
بعدين احنا في نهاية السنه شدي حيلك بعدين فكري بالنقل ورح ادعي لك ولا تنسين ادعي الله ..
اسفه طولت عليك
|
المشاركة الأصلية كتبت بواسطة نردين33
 اهلا وسهلا فيكي حبيبتي نورتي المنتدى بوجودك
اما عن مشكلتك فانا حاسة فيكي 100% لاني جرالي مثل ما جرالك بس في الجامعة بس انا حاولت غير جامعتي لاني ما تأقلمت ابد ا مع الجو بس للاسف كان الوقت اتاخر وما قدرت اعمل شيء غير اني اوقف الدراسة مؤقتا وطبعا بابا وماما عملو المستحيل حتى ما اوصل للشيء للي وصلتا وفي الاخر قدرت اقنعهم اني اتوقف عام. بس هللا انا زعلانة منهم كتير لانهم خلوني وقف لاني هذاك الوقت كنت كتير مكتئبة وما كنت اقدر اخذ القرار الصح وكانو قادرينيمنعوني بس هوما ما غلطوا تركوني على راحتي وانا بشوف حبيبتي انو والديك شايفين انو تفكيرك غلط وهما اكيد بدوروا على مصلحتك فحاولي ترضيهم احسن والعام الجاي روحي على المدرسة الي انتي بدك ياها اما صحباتك حاولي تتواصلي معهم وخاصة في الاجازات حتى ما تفتقديهم وبس واسفة حبيبتي على الاطالة وربي يوفقك في دراستك لانها اهم شيء |
تسلمين خيتو ماقصرتي يعطيك الف عافيه بس أنا ماراح أنقل الا على السنه الجايه وهم شايلين هالفكره من راسهم نهائيا
أنا ابغى حل يرضيهم وبنفس الوقت يريحني