ليت (السفر) بين المحبين ممنوع
تحجز(جوازت) المحبين بالذات
حتى لوأن ( السفر) حق مشروع
المشكلة.. لأهل الهوى حزن وآهات
لاغاب (خلّك) والرجاء فيه مقطوع
لابه (رسايل) تاصلك واتصالات
الخط مغلق…كنّه (الكرت) منزوع
من ضيقتك تلعن جميع الاشتراكات
تضرب على الكفّين والقلب مفجوع
تضيق بك عقبه جميع المساحات
في ليل دامس ضايعٍ مابه شموع
(الفكر) تايه في دروب المتاهات
(العين) تذرف بالدقايق له دموع
و(القلب) عايش بين حسره ونات
لوّك تجر الصوت ماهوب مسموع
ياطول ما بينك وبينه مسافات
يمكن ظروفه متمشت له على طوع
ويمكن سلا فكره بروحه وجيّات
سايح بدار(الغرب) والأجر مدفوع
يسرح ويمرح بين سجّه ولذات
الجو صافي بين خضره وينبوع
وأنت بسموم(القيض) مابه إجازات
الهم مدهالك من أسبوع لسبوع
لاحل ذكرى (الترف) هلّيت عبرات
صار(السفر) كنّه مثل حبّة الكوع
جمع الحبايب سابع المستحيلات
بس الأكيد أن (الغلا) فيك مزروع
(الحب) يبقى بالضماير ولا مات
الصدق قلته والزعل دوم مرفوع
وقت(السفر) تبدي كثير المعانات
وتسلم ايدك الحلوه