ما شاء الله لاقوة الا بالله اذكروا الله جميعا
في البدايه ابي اقول لكم قصتي مع القيمات (العجائب )1انواع الفشل 2تلصق بالقاع 3اشكال حصان و زرافه
4قنابل بعدين بداء مشوار التعلم من كثرت التفشيل و الاستهزاء محاولا ت وراء محاولات ألين بدأت
تختفي بعض انواع الفشل الي قال خليكي على الماكينه و الي قال خليكي على الكيس و اقطعي بالمقص انواع دراسات من مختلف البدان و في يوم من الايام في لحظة حزن فتحت التلفاز و رأيت
رجلآ يدعى الشيف اسامه قاعد (يلقم) تصدقون تعلمت منه وبعدها الحمد لله بعد كم
مره بدأت تضبط ولله الحمد (تراني اقصد عمليت التشكيل) وبعدها بدء مشوار المقادير ( خساير و فشل )
مصممه اسويها بعدين مع كثر( الحورفه ) ضبطت المقادير مره طولت بالكلام راعيت طويله
الحين الزبده ……. نبدء
المقادير
2ك دقيق كويتي
كأس و ثلث لبن ( بدرجة حرارة الغرفه
ذرة ملح
ذرة بيجينج بودر
ملعقة طعام مسوحه خميره ملاحضه ( مذابه في مقدار نص بياله ماء دافي )
الطريقه
يوضع الدقيق ثم الملح و البيجينج بودر ثم الخميره ثم البن ثم تعجن باليد من فوق لتحت بشكل سريع و عشان تسهل
عليكم نميل الزبديه شوي على جنب و نعجن من فوق لتحت بسرعه الى اذا رفعنها لفوق تنزل بشكل متقطع تصير
شوي ثقيله وبعدين نحط عليها بلاستيك رول وبعدين الغطاء و بعدين نغطيها بفوطه وبعدين ندخلها في الفرن او
الماكرويف ( بدون تشغيل ) ونخليها تتخمر ساعتين …. بعدين نسخن الزيت .. ونجيب ( صحن صغير نصفه ماء وملعقة زيت صغيره نحركه شوي ونخليه هو و الملعقه على جنب(هذا عشان التلقيم )وبعدين صحن كبير عليه مناديل
نجرب وحده اذا الزيت حامي اوكيه نقصر عليه و نبدء نلقم واذا امتلى الزيت نبدء نحرك بشرط ان القيمات كلها موجوده
على سطح الزيت والنار تكون هاديه شوي( بس مو حقت جريش) ونحرك و نحرك نبتل الى ماتعطيكم الون الي تبونه
وبعدين تشيلونها و تضعونها على الصحن وبعدين نحطها بصحن التقديم و عليها عسل الشفاء او شيره او الي تبون
بالنسبه لطريقة التلقيم نأخذ بالكف مقدار قليل من العجينه ( ملعقة اكل طعام) ونضم الكف قليلا ثم نضغط اصبع
الخنصر( اول اصبع اصغر واحد)ثم البنصر(ثاني اصبع)ثم الشاهد(ثالث واحد) ثم السبابه (رابع واحد حق التشهد )ثم
تطلع العجينه مع الفتحه نأخذ بالملعقه و على طول بالزيت و نكرر العمليه ملاحضه (الملعقه المستخدمه الي قلت
عنها فوق اذا جينا نأخذ من العجينه ما نأخذ و في الملعقه مويه بس نغمسها فقط ) يكون التلقيم بشكل سريع وبس
بس بسئلك انا ما تظبط معاي
تنجح من برا وداخل لا
وضروري لبن ما يصير اسوي حليب
وتسلمين