مثل ما ذكرنا في الحلقة الاولى ان حامد قر يرتاح كورس واحد وانتهي فيه المطاف انه مريّح سنتين والسبب بتعرفونه في هالحلقه ..
طبعا حامد يدرس في كلية الهندسه قسم كهرباء وبعد ما ارتاح الكورس الاول سجل في الكورس الي بعده واخذ ماده كالكولاس 2 عند دكتور معقّد جدا ..
واليكم ما حدث في هذا الكورس وفي محاضرة الكالكولاس :
حامد كان غايب يوم قبلها ودخل القاعه وجلس اخر واحد << مكانه المعتاد ومتاثر من ايام المدرسه الاخ ، والدكتور دخل وشرح اول مساله ورفع طالب يده واليكم ما حدث :
الطالب : دكتور لو سمحت ممكن تعيد هالنقطه لاني ما فهمتها ، وياليت لو تشرح شوي بالعربي ؟؟ << بكل ادب
الدكتور : اذا ما تعرف اللغه الانجليزيه وما تفهم ، معناته انك ما تستحق تجلس في الكرسي الي انت جالس عليه الحين ، ولا تستحق انك تكون طالب في هالجامعه ، وبكره لو رحت كالكولاس 3 وشافك الدكتور ما تعرف انجلش ولا المصطلحات الحسابيه بالانجلش وش راح يقول عني ؟؟؟
نسيت اقول لكم نقطه ان هالدكتور في حياته العامه يتكلم انجليزي وما يحب شي اسمه لغه عربيه مع انه خليجي ، وزوجته امريكيه وللاسف طلقته …
المهم : حامد تغير لونه من رد الدكتور ، وعالاقل يرد باحترام مع الطالب بدون ما يهينه .. فقرّر حامد <<< الله واكبر يا خالد بن الوليد وش بيسوي حامد يعني ،، بيقوم يفقع وجه الدكتور مثلا ؟؟ خخخخ … لا طبعا ما توصل لهالدرجه هههه
المهم : انه رفع يده وقال :
حامد : دكتور ، لو سمحت ممكن تعيد نفس النقطه لاني انا ما فهمتها بعد ، << عشان رفيقه .. (( والله وكبرت في عيني يا حامد ) المهم .. ثاني شي انت اهم اولويّاتك انك تفهمنا رياضيات مب اتدرسنا لغة انجليزيه ، الانجلش لها دكاتره مختصين ، ثالثا ياليت لو ترفع صوتك لاني انا ورى ما اسمع وشكرا <<< وش هالادب يا حامد .. وللعلم حامد ساله بالانجلش ولكن الدكتور ارتفع ضغطه وشوفوا وش رده :
الدكتور : اول شي انا بروفوسور مب دكتور ، ثاني شي اذا ما فهمت ارجع لكالكولاس 1 ، ثالث شي انا مريض ماقدر ارفع صوتي تعال قدام
حامد : اها اوكي يا جرذي السلاحف >_<
بعد دقيقه ..
حامد : دكتور !! <<< يعاند ما يبي يقول له بروفسور للحين في راسه حب ما انطحن .. المهم
الدكتور : <<< وده يرد ب وجع لكن ما يعرفها بالانجليزي هههه ،، قال : نعم
حامد : بروح الحمام <<<< ههههههه قديمه يعني دوّرني اذا رجعت .. وطلع
وراح يبي يحذف الماده قالوا له لازم تحذف الكورس كامل وهو عنده قناعة تامه مستحيل ينجح عند هالدكتور وبينصك انذار ثاني بحكم انه عند اول …
الكورس الثالث :
من قرادة هالبني ادم ان هالدكتور المعقد طارح الماده لمجموعتين ومافيه غيرهم ومافيه الا هو يدرس جعله المرض واضطر اخونا يسجل عنده .. بس قر انه يشد حيله ويعدي ..
وبالفعل شد حيله ودرس وما تاخر ابد عن وقت المحاضره وقدم الامتحان الاول واخذ 27 من 30 وهالعلامه من الصعب جدا ان حد يجيبها عند هالمشعوذ ..
المهم حامد في يوم من الايام تاخر عن المحاضره 7 دقايق تقريبا ودخل القاعه وسلّم .. والدكتور نقز له مثل الجربوع وقعد يهاوشه ويقول له لا تسلم بالانجليزي .. طبعا حامد من الخربطه ما فهم هالمشعوذ وش يقول فقال للطلاب شالسالفه قالوا له يقول لك لا تسلم +_+
حامد طالع في الدكتور وقال :
حامد : دكتور الله يجزاك خير كله ثانيتين انا اسلم انت ترد والطلاب يردون ، انت تاخذ اجر وانا اخذ اجر والطلاب ياخذون اجر ليش انت مزعّل نفسك ؟؟ << والله معاه حق حامد … المهم
الدكتور : انت قاطعتني .. <<< >_< كذاب كان للحين يشبك اللاب توب عالداتا شو وما بدا
حامد : دكتور انا اهلي مربيني عدل ولو شفتك تتكلم وتشرح كنت بدخل وبقعد مكاني بدون ما تحس فيني حتى .
الدكتور : بكل نفسيه قال طيب روح اقعد مكانك << ودي ارميه من فوق السطح هالمشعوذ .. المهم
حامد : وهو داخل قعد يتحلطم ويقول … انت للحين مثل ما انت ما تغيرت معقد ..
الدكتور اسمعه بس ما فهم ف ناداه وقال له ..
الدكتور : شقلت .؟؟ << وتكلم بالعربي ،، كبير يا حامد والله وجبرته يتكلم عربي ، احنا خفنا انه نساها
حامد : ما قلت شي .
الدكتور : لا قلت ، ولو تشوف ان رجل مكتمل في الرجوله واهلك ربوك عالشجاعه والجراه ، عيد الكلام الي قلته ؟ <<
لاحظوا اسلوبه لاني نسيت اقول لكم ان هالدكتور كان شوي مايع عليه حركات بناتيه ، رجل مكتمل ههه وين قاعدين .. المهم
حامد : قلت انت مثل ما انت للحين ما تغيرت .. << اخص يالجبان وين كلمة " معقد " هههه
الدكتور : انت طالب وقح وهذا يدل على تربيتك في منزلك .. *_* << كلام كبير ،،
حامد : دكتور انا هلي علموني ان معنى الوقاحه انك تامر بالمنكر وتنهى عن المعروف <<<< كبير يا حامد ، يقصد موضوع السلام ,,, وراح قعد مكانه ..
طبعا الدكتور ما بلعها وقال للطلاب كلمهم واسمعي يا جاره ..
الدكتور : ابي اذكركم بشي واحد ، انه انا الوحيد المسؤول عن الدرجات والنجاح والرسوب ومحد يقدر ينجح احد انا مرسبه والعكس صحيح ..
حامد : دكتور لو احنا بنجح ؟؟ بنجح لان احنا نستاهل النجاح ، بنجح بتعبنا ومجهودنا ومحد له منّة او فضل علينا خصوصا اذا كان الدكتور في وادي والماده في وادي ، واهم شي ان الدكتور يبقى متذكر انه موظف وفيه ناس فوقه نقدر نوصل لهم ونشتكي لهم ..
الدكتور : لو الشكوى تفيد كان طيّروا نص الدكاتره من زمان ،، بس الجامعه تبي مثلي واشكالي و قوم اطلع برى
تتوقعن حامد وش سوى بعد هالكلمه ؟؟
حامد طلّع سلاحه الي معاه وشاله بيده اليمين وطلع برى القاعه هههه اقصد سلاحه العلم .. وش بيسوي يعني ..
المهم حامد راح عن دكتور الفيزياء <<< معقد ثاني ، المهم يبي يساله عن درس ما فهمه ، بعدين قال له ان دكتور الكالكولاس قال ان الجامعه تبي مثله واشكاله وش يقصد ؟؟؟
دكتور الفيزياء : اي تقصد الدكتور الفلاني ، هذا اصلا معقد ..
حامد : في راسه يقول ، الله واكبر عاد انت الي كلش ، النطيحه والمترديه
دكتور الفيزياء : قصده ان الجامعه ما تبي كل الصف ياخذون a ، يعني واحد او اثنين وبالكثير ثلاثه يجيبون أ ، واربعه ب + واربعه ب ، والباقين يتوزعون على باقي الدرجات
حامد بعد هالكلام الي سمعه راح حذف الماده والكورس كامل لانه ما يجوز ينزل عن 9 ساعات وهو مسجل 11 ساعه ولو حذف الماده يعني بيحذف 3 ساعات وبيصير المجموع 8 ،، ف لازم يحذف الكورس ودفع غرامه 6 الاف ريال
وان شاءالله نستكمل معاكم باقي القصه لاحقا .. وهالشي يعتمد على ردودكم او بشوف مكان ثاني اكتب فيه عالاقل الي فيه يقدرون التعب .. وانتظروا الحلقه الثالثه وموضوع ومواقف مضحكه