بصى حبيبتى مع احترامى الشديد لمارى بيل ولموضوعها اولا هى ردت وقالت انها معندهاش فكرة اساسا عن الحنة بالسفن اب عشان هى تقدر تفيدك بانها كويسة او لا ثانيا هى بتقول انها بحثتلك عنها وجابتلك الوصفة وطبعا من على النت ومع احترامى ليها برضو مرة تانية الوصفة دى للاسف منتشرة على جميع المنتديات بنفس النص والترتيب فهى للاسف مقدرتش تفيدك بيها هى بس جابتلك الوصفة الى سمعت عنها وخلاص وطبعا ده ملهوش علاقة برايى فيها ولا مختلف عنه انا حبيبتى كلامى مش منقول والحمد لله موثوق فيه تماما ولو بصيتى على ردى لكل البنات هتلاقيها كلها وصفات طبيعية ومجربة كتير جدا واغلب الوصفات دى متجربة عليا شخصيا ولازم فى الحاجات دى مراعاة الضمير اولا
بصى حبيبتى بالنسبة للسفن اب دى وصفة انتشرت على النت ومنقولة على كل المنتديات وبنفس الصيغة وحضرتك ممكن تعملى سيرش وتشوفى
وهى عبارة عن الحنة+الكاكاو+اليمون+السفن اب
تعالو بقى نشوف اراء الى جربو الفرد بالسفن وانا جيبت ردودهم دى من المواضيع بتاعه الفرد بالسفن
وطبعا فى منهم كتير فى كل المنتديات
انا عملت الحنا ديه س بالطريقه التاليه:
اعجني الحنا ب السفن اب ونحط عليها ليمونه ومعلقتين خل و كاكاو
بس على فكرة نتيجتها مش اوي
يعني انا قريت قبل كده انها بتخلى الشعر كأنه مسشور والكلام ده
بس الواقع غير المكتوب
يمكن الوصفه بالاضافات ديه تكون افضل
تحياتي ليكي
****************
الصراحة انا جربت هاي الوصفة من سنتين بس المكونات هي حنة + عصير ليمون+ بودرة زبدة الكاكاو + سفن اب ………
النتيجة من حيث النعومة كانت رائعة جداً يعني كأنك عاملة تمليس لشعرك وكمان بتعطي لون نحاسي للشعر يعني راح تلاحظي فرق كبير اثناء غسيل شعرك بأنه ملمسه ناعم جداً …… ويبقى مفعولها على الشعر فترة 3 شهور …. لكن النتيجة الي مش حلوة انها عملت تساقط كثير في الشعر…. ومشان هيك بطلت استخدمها
انا كتبت تجربتي حتى تستفيدوا
والله الموفق
**************************
ياجماعة الحنة دى ليها اضرار وبتقصف الشعر جامد وبتوقعه بعد كام شهر اعملوا بحث فى جوجل عن اضرار الحنة بالسفن اب وشوفوا تجارب البنات الله يخليكم مش اى حاجة تسمعوا عنها تجيبوها او تجربوها قبل متأكدوا منها
**********************
لالالا اوعو حد يجربها والله العظيم انا جربتها من سنتين او تلاتة مش فاكرة بصراحة بس انا جربت نفس الطريقة
ع كنت فاكرة انة فعلا هيفرد شعري وكدة والنتيجة بقى شعري كان اصلا متقصف بس مش ناشف للدرجة ناشف جدا جدا جدا فوق ماى حد يتخيل
وشعرى كان لونة بنى غامق وفية لامعة هوة وحش بس كان بيلمع
بس والله بعدها لونة بقى مجرب كدة وتحسى انة عليه تراب والله العظيم انا مابالغ بس دة الى حصل بعد الوصفة دى بالظبط
والعضوة هنا قالت انة منقول يعني هى مجربتهاش انا جربتها اهوة وحبيت اقولكم التجربة
*********************
بصي يا نور الوصفه دي انا قريتها قبل كده وجربتها
بس للاسف بوظت لي شعري و بدا يسقط لدرجه انه فروه راسي من الامام بانت
متهيئ لي مش كل انواع الشعر ينفع معها الوصفه دي
ودي تجربتي
وجزاكي الله خيرا
*******************
اتمنى انكم تفكرو مليون مرة
فى كل حاجه قبل ما تحطيها على شعرك او بشرتك
خصوصا لو حاجه مش محتاجه تفكير زى السفن مثلا
بصى حبيبتى انا عايزة ذمتك وبالعقل كده هو السفن اب ده حاجة طبيعية دى المياه الغازية مع الوقت بتفت جسم الانسان ده فى دول برا بتستخدمها فى النظافة وازالة البقع الصعبة وتفتيت الصدا تخيلى بقا لما تحطيها على شعرك
العلبة الواحدة من السفن اب فيها 10 معلق سكر كافيه وده لوحده بيدمر فيتامين ب فى الجسم وعلامات نقص الفيتامين ده هى الصلع والشيب المبكر وتقصف الشعر وجفافه وتساقطه ده غير حاجات تانية كتير
ده غير انها بتحتوى على احماض الفسفوريك والماليك والكاربونيك التى تسبب تاكل طبقة المينا الحامية للانس
موفقة ان شاء الله
واى خدمة يا قمر