لاجيت من هاك الوساع وحيل ضاقت بك
قهر .. لما تكب الطيب كله وسط قاع
وتجنى ثمره اجحود وبفعاله يتنكرلك
قهر .. لاكنت فى روض ربيع ممطر مرباع
وماحولك سوى جرحك ..تصفقله ويصفقلك
قهر.. ياحد سكين الشقى وياكثرة الأوجاع
تعبت من النزيف الى بمتنى صار وبمتنك
قهر .. لاشفت دمعة والدى بالدين تنصاع
تحده من ظروف الوقت .. ولامنهو بيفزعلك
قهر.. لامرنى عطر المسى بالحب لى يلتاع
يشوقنى لغرام الأمس وهمساته يشوقلك
قهر.. لاشفت لى مقتول فى الشاشه ونا مرتاع
يصوبه الخسيس ويوم بيدينه يصوبلك
قهر .. لاذقت جوع .. وانتا ممتلى مشباع
وقدام المحل طفل يجوع ومنتظر عطفك
قهر ..لاشفت مليون الشباب يطادر الأوضاع
لجل شهوه ولجل متعه يموت ومنقطع كتفك
قهر .. لاجت وظيفه واسطه وحلمن يضاع
ومجهود الدراسه ضاع .. ولاحدن بيتوسطلك
قهر ..فى مجتمعنا تكون للحريه انواع
يبون الطهر متهالك .. يبون تشد واقطعلك
قهر .. ونا اشوف العلمنه فى دارنا هجاع
واشوف الطهر والسنه بصوت مابيوصلك
قهر ..لا شفت بنت الناس بيدين الأجنبى مرتاع
نست منهى ونست بنت الحسب اصله واصلك
قهر ..لامن سرق ومعه ( واو ) وهو جزاع
وتنقص ايدين الفقير .. ومنتظر حتفك
قهر .. للى لحق والديه ومن برهم ماطاع
تفوته جنة الدارين .. ولا شى بينفعلك
انا من كثر قهرى من القهر ماعدت طماع
بعيش بدنيتى زاهد اجمع من ذا واجمعلك
قهر .. شى نسيته بخاطرى ماشاع
اذا ( خمسه واربعين مليون يالأخضر مابتشفعلك
يسلمو كلمات روعه
