كيفكم؟؟
حدخل في الموضوع على طول وركزو معااااي بالخطوات
طبعن كل وحدة بشرتها دهنية لازم تعاني من ناحية الحبوب واثار الحبوب والمسام الواسعة الملمس الدهني …. الخ
بس عشان نتفادى دي الاشياء كلها لازم نهتم ببشرتنا
انا بشرة وجهي دهنية وجسمي مايلة للجفاف غريب صح ووجهي كانت فيلو حبوب بس راحت وبقيت اثارها ودحين جالسة تختفي كل اسبوع اكثر
المهم حقسملكم روتيني الى خطوات :
الخطوة 1 : الصابون احسن صابون للبشرة دي هيا يا صابونة الكبريت او صابونة بابايا بس انا بستخدم بابايا مررا حلوة تغسلي وجهك مرتين باليوم بالصابون لاتقولو كثير لا مرا في الصباح ومرا بالليل
واكيد اذا خرجتي لمن ترجعي لازم لازم لازم تغسلي وجهك حتى لو مو محطية ميك اب
الخطوة 2 : التقشير مرة وحدة بالاسبوع وانا اقشر وجهي بمقشر شفا بالخيار حلو بس احس مقشر الليمون والسكر احلى
الخطوة الثالثة : الماسكات انا بستخدم ماسكين بس وهيا مررا حلوة للوجة
اول ماسك : نصف طماطم + بياض بيضة + عصير نص ليمونة + ملعقة زبادي
الطريقة : تغلي موية وتحطي الطماطم لمدة دقيقة على الاقل و خمسة دقايق على الاكثر ولا تكبي الموية الي في القدر المهم تقشريها وحيكون سهل تقسيرها وتهرسيها وتضيفي المكونات الثانية
وقبل ماتحطيه في وجهك اتاكدي انو بشرتك نظيفة وروحي ولعي النار على القدر خليه لين مايغلي وسوي بخار بوجهك وبعدها حطي الماسك لمدة 30 دقيقة وغسليه وجيبي ثلجة وامسحيبها وجهك
الماسك الثاني : زبادي + خميرة فورية هدا الماسك روووعه يخلي بشرتك مخمليه كانك حاطة كريم اساس
الخطوة الرابعة : اول ماتصحي من النوم وبعد ماتغسلي وجهك جيبي ثلجة ومسحيها بوجهك بس مو ثلج عادي لالا اغلي نعناع وبقدونس بكميات متساوية وحطيها بقالب الثلج وثلجيها وهدي كمان مرررا حلووة تنعش البشرة وتقبض المسام
الخطوة الخامسة : تجربتي بودرة جونسون حطيها على وجهك زي البودرة العادية وانتي بالبيت مررا حلوة
وبس التقشير مرا وحدة اسبوعيا الماسكات ماسك الزبادي والخميرة كل يوم وماسك الطماطم كل يوم اول اسبوع بعدها 3 ايام في الاسبووع غسيل الوجه مرتين يوميا وحركة الثلجة يوميا كمان والبودرة احطها يوم ايوا يوم لا
اتمنى يعجبكم الموضوع وياريت تقيموني ^_^
فيونكة ^_^ :sddhgh:
ان شاء الله اسوي زيك انا بشرتي دهنيه
ربي يوفقك ويسعدك
يعطيكي العافية