جبت لكم حليب بالفستق روعه ويبيض الوجه اي حد يذوقه يسالني عن الطريقة وماعطيهم لان المطبخ لي فيه اسرار واجد وسوالف وقصص من يوم ماكنت بصف خامس…ومابي اي حد يعرفها ابي اكون مميزة بعدين اللي حولي مايستاهلون ..
حابه افيدكم وجربوه وقولو لي..:icon_eek:
المقادير:
6 اكواب كبيره حليب ( مراعي – او حليب ناقه لذيذ موت )
سكر شوي حسب ذوقكم..
ملعقه صغيره ماي ورد
كوب فستق مطحون
3 مربعات شوكولاته بيضا..
الطريقه:
تغلين الحليب بابريق ع النار وتحطين السكر والفستق.. وتخلينه ع نار هايه الى متوسطة الين يغلي عدل ويصير لونه اخضر تقريبا فستقي.. وقبل لاتطفين عليه حطي مربعات الشوكولاته وماي الورد وحركيه من 3 الى 5 دقايق.. وقدميه روعه وطعمه اروع..
حليب اخضر اول ماقدمته لضيوفي انجلطوا وشو هذا قلت حليب قالوا لونه اخضر ؟؟؟ وانا ميته من الضحك عليهم وقلت لهم جربوه اول شي وشوفو.. والله من دون مبالغه من اول رشفه سأوني عنه وقلت لهم تبون من عيوني بسوي لكم وعطيتهم الطريقة .. صديقاتي كانوا زايريني مع امهاتهم..
جربوه وعطوني رايكم..
دمتم بود""
تسلمين