فمن مميزات الكيراتين انه يعالج التموج والتقصف والهيشان ويعطي الشعر نعومة ولمعة تبدو كأنها طبيعية ويفرد تموجات الشعر بنسبة كبيرة فيبدو شعرك اكثر صحة ونعومة ولمعة والاهم المظهر الطبيعي وكأنك مش عاملة شيء بشعرك
وبالنسبة للانواع فيوجد منه الآن انواع عديدة الاسباني الايطالي الاسرائيلي الصيني الامريكي الفرنساوي البرازيلي و البرازيلي ينقسم اذا كان
البرازيلي المعبأ في البرازيل اوالثاني البرازيلي المعبأ في لبنان وطبعا الاصل هو البرازيلي المعبأ في البرازيل أما باقي الانواع فهي لم ترتقي للصناعة البرازيلة بعد ومعظمها لم يحصل علي موافقات وزارات الصحة في بلادهم و الباقي لم ينجحوا عند نزولهم للأسواق
و البرازيلي المعبأ في البرازيل تركيز الكيراتين فيه نسبة من 95 الي 100% منه نوع يحتوي علي الفورمالدهايد بنسبة 2% و نوع 4%
ونوع آخر خالي تماما من الفورمالدهايد وهذا النوع للعلاج فقط حيث مضاف له مادة علاجية اخري للكيراتن تساعد علي علاج الشعر بشكل مركز لكن بدون فرد
وبالنسبة للأضرا فلا يوجد منه ضر اطلاقا ولكن احذري ان تكون نسبة الفورمالدهايد اعلي من 4% لأنها عند ذلك تصبح مادة مسرطنة عالية التركيز وممكن ان تصيب بالسرطان عافانا وعافاكم الله
وهوينفع لكل انواع الشعر الناعم الخشن المجعد المجهد المصبوغ المعالج كيميائيا
والكيراتين علاج من مميزاته فرد تموجات الشعر بنسبة كبيرة واعطاء الشعر نعومة ولمعة مع علاج التقصف والهيشان ايا كانت درجتهم بالشعر
ومدة بقائه علي الشعر من 4 الي 6 اشهر وممكن اكثر او اقل من ذلك وده يرجع لاختلاف طبيعة كل شعر عن الآخر وفي كل مرة بتعمليه فترة بقائه علي شعرك بتزيد عن المرة اللي سبقتها ومينفعش تعمليه لنفسك لازم تعملهولك كوافيراة بس احذري من المنتجات المقلدة وهعرضلكم شكل العبوة الاصلية بالموضوع
فيما يلي بعض الاسئلة واجاباتها
سؤال عن هل استخدامي لاي منتج يحتوي علي مادة الكيراتين يعطيني مفعول الكيراتين عالشعر ؟؟؟
الاجابة مفيش اي منتجات أخري تبع الكيراتين ممكن تفرد التموجاتاو تعالج التقصف والهيشان زي الكيراتين باقي المنتجات تساعد مع الكيراتين علي تغذية الشعر والحفاظ علي النعومة واللمعة
هل هناك انواع من الكيراتين غير مصرح بها دوليا؟
احب اوضحلكم ان فعلا فيه بعض انواع الكيراتين غير مصرح بها لأنها تحتوي علي نسبة فورمالدهايد اعلي من 4% لأن اعلي نسبة فورمالدهايد مصرح بها 4% كنسبة آمنه ومخفة
بعض الصالونات يقولوا ما نستخدم الكيراتين لانه به مواد مسرطنة ؟؟؟
غالبا بتكون الكوافيرات دي حاجة من اتنين اما لا تعرف ماهو الكيراتين اصلا ولا عندها خبره قوية او سبق لهم استعمالة واعتادوا شراء المنتجات الرخيصة ذات الربح الكبير او
يكونوا بيروجوا لمنتج اخر للفرد وعشان كده بيقولوا الكلام ده لان من يفقه هذا الامر هم الصيادلة الذين لهم الخبرة والمعرفة بالمواد الكيميائية والنسب المصرح بها في كل منتج حسب استخدامة وحسب تفاعل المادة الكيميائية مع باقي المكونات لان الموضوع ليس عشوائيا ولكل تخصصه مش اي حد مش فاهم حاجة بيفتي لاغراض ما في نفسه
والمصرح به من منظمة الصحة العالمية لحد 4% فورمالدهايد ده باللنسبة للكيراتن لانه لا يدخل الي جسم الانسان لان فيه مواد اخري كمعلبات الالبان والجبن ممكن يدخلون الجسم عن طريق الفم الحد المسموح به من الفورمالين 2. % وفي المطهرات التي تتعامل معها بالايدي 5.% وهكذا الحال لكل منتج حسب استعماله نسبة مصرح بها
وحتي الآن الكيراتين موجود بمصر والعالم العربي والعالم كله لسنوات ولم نري بأعيننا حالة واحدة تعاني من اي شيء سببه لها المنتج الاصلي واذا كانت هناك حالة فقد كانت استخدمت المنتج المقلد والغير مصرح به لاحتوائة علي نسبة اعلي من المسموح بها من مادة او اتنين كيمائية
ماهي منتجات العناية بالشعر المسموح باستخدامها بعد عمل الكيراتين والاخري الغير مسموح باستخدامها ؟
المنتجات الوحيدة الغير مسموح باستخدامها اي شامبو او بلسم يحتوي علي مادة كلوريد الصوديوم لانها المادة التي تبطل مفعول الكيراتين اما عدا ذلك من منتجات كحمام الكريم او الزيوت او السيروم مسموح بها ولا تشكل اي ضر علي مفعول الكيراتين عالشعر
هل يفضل صبغ الشعر قبل الكيراتين او بعده ؟؟
الصبغة الافضل تكون قبل الكيراتين حتي ولو في نفس اليوم لان بعد علاج الشعر بالكيراتين يفضل عدم استخدام مواد كيميائية
ولكن يمكنك استخدامها ان اضطرتي لذلك بعد شهر من عمل الكيراتين ولكنها ممكن تؤدي الي بعض الجفاف في الشعر
تنتشر منتجات كثيرة في السوق يكتب عليها انها تحتوي علي الكيراتين واسعارها رخيصة ماتعليقك هل هي اصلية؟
للأسف من وقت ما ظهر الكيراتين وانتشر اصبح اي منتج يتقال عنه انه يحتوي عالكيراتين الناس تروح تشتريه لكن ده بالاساس دعاية وليست حقيقة يعني مش اي منتج بيكون مكتوب عليه انه يحتوي عالكيراتن بيكون حقيقي لا ده اغلبها مجرد دعاية
مادة الكيراتين سعرها عالي من بلدها اللي بتنبت فيها العشبة اللي بيستخرجوا منها مادة الكيراتين وبلدها البرازيل والي الان شركات الكيراتين الاصلي المتخصصة العالمية منزلتش لا حمام كريم بالكيراتين ولا امبولات طبعا وعلي فكرة انا شفت عند محلات دسته امبولات يعني 12 امبول ب 20ج ومكتوب عليها بالكيراتين والبروتينات وصنع في مصر ؟؟؟؟ يعني ده بالذمة كلام بالسعر ده وكمان مصنوعة في مصر طيب احنا المادة الخام للكيراتن ايه اللي جابها مصر عشان نصنع منها امبولات ؟؟؟؟ فهتشوفي من النصب ده كتير واي منتج للكيراتن عشان تعرفي انه اصلي اما هيكون صنع في البرازيل او امريكا فقط لا غير لان امريكا واخده توكيل تصنيعة وتوزيعة اي منتج كيراتين مصنوع في مكان غير الاتنين دول اتأكدي انه مزيف وتقليد ومش اصلي وممكن ميكونش فيه كيراتين اصلا الناس لا تعرف شكل الكيراتين ولا ريحتة ولا لونه عشان كده بيغشونا ويضحكوا علينا
سمعت انه فيه ضراذا اتعمل الكيراتين في وقت البيريود هل ده صحيح؟
انا برضه سمعت ده ومن كوافيرات كتير لكن
من قريب كنت بتكلم مع مسئول بشركة الجلوبل كيراتين نفسها
وسألته عن ايه الاضرار اللي تحصل لو اتعمل وقت البيريوت قال مفيش اي اضرار واستغرب من الكلام لأنهم عندهم العديد من المراكز المتخصصة لعمل الكيراتين بأمريكا وبريطانيا وعمرهم ما صادفهم اي مشكلة لعمله اثناء البيريوت وقال ده كلام ليس له اساس من الصحة
ما الفرق بين الكيراتين وفرد chi وفرد اليوكو ؟؟
اولا الكيراتين كما ذكرت هو منتج طبيعي ولا يحتوي الا نسبة 2 او 4 %فقط مادة كيمائية وهومعالج ومحسن للشعر مع اعطاء نعومة و نسبة فرد للشعر تختلف من طبيعة شعر لاخر تتراوح مابين ال50 و 70% علي الاغلب وممكن تكون اعلي اذا كان الشعر ناعم بالاساس مع علاج للتقصف والهيشان نسبة 90% عالاقل وتغذية للشعر وامداده بالبروتينات اللازمة اللي بيفتقدها
اما فرد اليوكو الياباني فرد كيميائي قوي عالشعر يقال انه يحتوي نسبة مواد طبيعية
ولا يصلح للشعر الخفيف او الضعيف او المصبوغ ويجب عمل اختبار لخصله من الشعر حتي يتم التأكد من تحمل الشعر له
وفرد ال chi هو فرد كيمائي ايضا ويقال يحتوي نسبة مواد طبيعية وهو يعتبر افضل انواع الفرد الكيميائي لكنة يظل فرد كيميائي له اضراره حتي ولو كانت اقل من غيره من منتجات الفرد ويجب عمل اختبار لخصلة من الشعر وانتظار نتيجتها قبل البدء في الفرد لكامل الشعر
حتي يتم التأكد من ان الشعر سيحتمله ولن يتساقط او يتقطع بعد فتره من عمله ولا ينصح به للشعر الضعيف والمجهد
