المقادير
عجينة الرغايف كنقسموها الى كويرات وندلكوهم بزيت حتى نحصل على ورقة ونطيبوها فمقلاة سخونة من كلا الجهتين
ثم بعدها نقطعوهم بواسطة سكين حاد على شكل اشرطة رقيقة
والمرقة حاجتنا
دجاج بلدي مقطع او صاين على حسب الرغبة
2 بصلات كبار مقطعين جوانح
سكنجبير.ملح.ابزار.زعفران عرق
6دروس ثومة معجنة
شوية دراس الحانوت
معلقة كبيرة سمن
شوية دزيت بلدية
معلقة كبيرة حلبة منقية ومغسولة مزيان
زلافة صغيرة من العدس نكونو مرقدينه من قبل
شوية قزبر ومعدنوش مربط
الطريقة
كنشرملو الدجاج فالتوابل كلها المدكورة ونديروه اتقلا واحد 10دقائق ونزيدو البصلة معه والثومة ونضيفو الحلبة والعدس ونمرقو بالقياس الكافي ديال الماء ونسدو عليه حتى يطيب الدجاج وتوكح المريقة .نخليو غطاء الطنجرة مفاكم شوية باش يتحمر لنا الدجاج ..وعينا ميزاننا فالقياس ديال المرق
فاش نبغيو نسربيوها كنديرو شرائط الرغايف يفورو فكسكاس ونخويوهم فطبسيل ونسقيو بالدجاج والمرق ونقدموها مرافقة بالمرق فزلايف صغيرة ونزينوها بالبيض كلن على حسب رغبته وكنقدموها بالصحة
