* تانى اكله المحشى تعملى ايه بقى تنزلى زى الشاطره تجيبى كرنبايه و ربع ورق عنب و ربع فلفل و كيلو كوسه و كيلو بزنجان و تتكلى على الله و تتعبى تعب محترم مره و احده و تعملى المحشى كله يوم واده و تقسمى بقى علب كل علبه فيها من كل الاصناف مهو محشى مشكل بقى و تطلعى كل علبه و على الميكروويف ويعنى بتاع 5 اكلات كده من اكله و احده و دربكه واحده
[* المعجناااات اول حاجه البيتزا نعجن مره واحده و نعمل 2 بيتزا كبااار و نرصهم و نسويهم نخرج واحده قبل و ما نحط عليها الموتزاريلا و نسيبها تبرد و ياما نقطعها و نحطها فى علبه ياما نغطيها بورق شفاف و على الفريزر و وقت ما نحتجها نطلعا و نحط الموتزاريلا و على الفرن عدل كانها لسه معموله يبقى وفرنا جهد و وقت و فلوووس و نفس النظام مع الفينو و الباتيه نحطوا فى الفريزر و يطلع كانه صابح على الميكروويف
] *الحواوووووشى مره واحد تجيبى نص كيلو لحمه و تتبليها ببصل و طماطم وبهاراااات ونحطها على 6 ارغفه سوى 3 كل و تقطعى الرغيف على اربعه يعنى كل واحد فيكو 6 سمبوكسات و ال3 التانين تلفيهم فى ورق شفاف و على الفريزر و تطلعيه على التسويه بيبقى تحفه لان اللحمه اندمجت على العيش بطريقه تحفههه
"]* الكفته تعمليها بطريقتك و تسويها برضه و تقسمى حسب احتيجاتك و على العلب فى الفريزر عدل
)"] * الممباااااااااار تجيبى ربع كيلو تنضفيه و تحشى و تسلقى بس و هنا تقسمى بقا على كيسين او 3 و تشليه مسلوق و وقت ما تحتاجى تتطلعى و تقلى و بلهنا و الشفا
[* الفراخ المشويه دى حاجه كدا تبع الرغبه دى فكره بينى و بين خطيب لاننا بنحب الشوى اوى احنا هنجيب شوايه فحم فى البلكونه فاتفئنا انا احنا على طول يكون عندى فرخه متقطعه شيش يعنى 8 قطع و اتبلها و اقسمها على 2 على اساس انا و هو يعنى و تكون فى الفريزر يوم ما نحب نشوى بليل اطلعا و نعيييييش و اليوم دا ممكن نتغدا اى حاجه فاهمنننننى اهو ندلع نفسنا بقى مش معنى توفير نستخسر فى نفسنا حاجه
5"]الرقااااااااااق او الجلاااااااش تعمليه صنيه زى ما بتحبى كل واحده و طريقتها بس فى تكه ملهاش دعوه بموضعنا بس هقولها انك تحطى البيضه و االلبن قبل ما تدخلى الصنيه الفرن ب5 دقائق علشان يتشرب كويس المهم بعدالتسويه تاكلى اللى هتكليه و تشيلى الباقى على علبه او اتنين و على الفريزر ثم الميكررويف فى اى وقت
5"]الارزززززز الهم الكبير اللى ناس كتير اوى بترميه لالالا من النهارده مش هيحصل انتى اعملى الرز بزياده حبه يعن على اساسانى يكفى مرتين و بردوا تكلى اللى هتاكليه و الباقى على كيس مش علبه و على الفريزر عدل و وقت الحاجه تقدحى شويه سمنه و تنزلى بالرز و تسخنيه على نار شمعه و كانه ليه معمول طازه ]
"]الخضااااار دا تجربه ناس كتييييير اوى اول الجواز ربع كيلو من اى خضار بردو بيفيض منو كتييير اعمل الخضار بطريقتك و انتى قسميه 2 و على كيس بردو و على الفريزر و بعد كده خرجيه فى طبق و على الميكروويف و لو ربطنا بين بواقى الخضار و الارز هنلاقى ان الاكله المتكلفه على اساس يوم بقت ليومين تخيلو بقى على كل صنف يعنى توفير اكتر من 6 ايام لان كل مره هنشيل ارز و خضار و وقت لو يوم مش عاوزه تعملى اكل و فلوش لو وفرتى من الاسبوع اللى فات مثلا 3 مرات و الخضار هيطلع كانك لسه عملا
]* الفول و الطعميه فكره التوفير هنا انك تدمسى فول و تقسميه فى اكياس على الفريزى و تعملى بردو الطعميه و على اكيااااس فى الفريزر و هيمشو فطار و عشا و مش هيكليفوكو حتى 10 جنيه
* الكفته بالرز عمل ربع كفته على ربع ارز و الطريقه اللى تريحك طبعا و نحمرها كلها و بردو نقسمها اكيييااااس و قت ما نحب نطلع كيس و نسبكلو الطماطم و يتعمل طازه
* الثوم تيجى كده فى وقت فراغك تقشرى يجى 5 راس ثوم و تحطيهم فر برطمان زجاج و فى باب الثلاجه هيقعدوا كتير اولى ياما تحطى فى الخلاط ثوم و زيت وفلفل و تخلطيهم و فى برطمان و على باب الثلاجه عدل بردو
*السمممممك طبعا اول الحواز مستحيل تاكلى كيلو سمك فتعملى ايه تجيبى الكيلو تنظفى و تتبليه تاخدى اللى هتاكليه يوميها و تشيلى الباقى ى كيس متبل و نفس الطريقه مع الارز تحاولى تشيلى اللى هيتبقى و تيجى فى يوم تطلعى و تقلى السمك و تسخنى الارز
* البانيييه و البفتيييك تجيبى نص كيلو من كل واحد و تتبليهم فى يوم واحد كلهم و تقسمى البانيه على 3 اكلات و البفتيك شرحه و تحت هكتبلكو طريقه للبقسماط حلو و فى نفس الوقت موفره جدا
دى بقى شويه افكار فرديه
* انك تقطعى البانيه بالطول قبل القى يرمى اكتر فى السندوتشات
* وضع اى جبن فى علب متغطيه فى الثلاجه يحافط عليها لفترات كبيره و احسن فى الشكل و موفر فى التقديم بدل الاطباق
* اضافه ثوم مدقوق بفلفل اسود على طبخ الخضار قبل القفل عليه ب 5 دقائق يضيف نكهه مختلفه
* فكره موفره فى البقسماط بتريحنا فى البيت هنا اوى احنا بنجيب من العطار مره واحده كيلو بقسماط و عليه نص دقيق و ربع نشا و نيجى البيت نحطهم على بعض مع شويه بهارات و يوضعوا فى برطمانات و تطلعى عند الحاجه بتخلى الحاجه مقرمشه و بدل الدربكه من الدقيق و البيض و البقسماط كله على بعضه نكسر البيض و اللبن على البانيه و ساعتها هنوفر برضه البيض و منها على الخلطه على طول
تخريط الملوخيه قبل طبخها على طول من اسس نجاحها
* انك تعمل طاسمه معينه للبانيه و خلافه و طاسه للبطاطس دا هيوفر كتييير