مثل:-
انت الحين بغرفتك منسدح بفراشك ومطفي النور فجأه يخش عليك
اخوك او اختك ويفتح الباب ويقولك بتنام ؟!! (لا برقص – اكيد بنام !!)
———
انت لابس وكاشخ وقاعد تمشي بالبيت متجه للبا .. فجأه يشوفك واحد من اهلك
ويصرخ عليك ويقول بصوت عالي :- (ها بتطلع !! (لا بجرب الباب زين ولا لا
الصراحه سؤال خطير !!
———-
انت قاعد بغرفتك وماسك الكتاب قاعد تدرس .. يخش عليك واحد من اهلك يقولك
(ها قاعد تدرس !! (لا افرش اسناني !! يعني ماسك الكتاب شسوي اكيد ادرس)
———–
انت الحين بالمقهى صدفه شفت واحد من الربع او الاهل .. قالك ها شتسوي هنا !!
(ابيع مويه) !! لا تعليق
——————–
انت الحين قاعد عند المحطة وصدفه شفت واحد من الربع …قالك تعبي بنزين
((لاعد السيارات))!!خلينا ساكتين احسن
——————-
لا وتعالو شوفو قنواتنا العجيبه اهما واسئلتهم !!
مثلا بالعيد بيقابلوا واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- اش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا بيقول لهم : منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
————————
والأسخف من هالبديهيات الي تضيع وقتنا إذا قابلو الاطفال , , ,
يقول المذيع للطفل :- أنت تحب ماما وبابا ! ! !
(( لا احبك إنت وجهك)) سؤال غبي الصراحه !!
—————-
برنامج مسابقات على الهوا :-
المتصل :- الو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زود الأتكيت يعني)
——————–
يعني اسئله غبيه مثل هالاسئله ماشفت
يالله في أمان الله والله يحفظك من الأغبياء!
لحظة نسيت أسألك: قاعد تقرا الرسالة ألحين؟؟
ج: لا قاعد أحك خشمي خهخهخهخهخهخهخهخهخهخهخهخه
هههههههههههه
مشكورة