بدون أذكر مقادير أنا حأدخل في الطريقة على طول ما في وقت نبغى ناكل على طول
أول شئ أحب أقولك إن هذه الفائف ممكن تستخدمي فيها أي خلطة سندوتشات أنت تحبينها ولكن بشرط تكون مكونات خلطتك مره ناعمه وصغيرة وحابة أقولك خلطات أنا احبها مثل :
خلطة التونة : تهرسي علبة التونه الكبيرة المصفاه من زيتها وتعصري عليها نص ليمونه وإضافة الخس المقطع تقطيع ناعم وملعقة مايونيز وتخلط المكونات طبعا اكيد حترشي شوية ملح وفلفل أسود.
خلطة الدجاج : اسلقي نصف دجاجه وفصيها الى قطع صغيرة ثم افرميها بالسكين أضيفي الخيار المخل المقطع تقطيع صغير وكذلك نصف جزرة مقطعة قطع صغيرة جدا ومن ثم أضيفي الماستردة و ملعقة المايونيز وأكيد حتبهريها البهار الي تحبيه وتخلط المكونات .
خلطة الجبنة : أبشري علبة صغيرة من الشيدر وكذلك أبشري نصف فلفل رومي و نصف جزرة كله ناعم ناعم و زيتون كمان يطلع جنان يتقطع بالسكينة مره صغير وقلبي كل ذا .
بالنسبة للفائ سنحتاج إلى : نشابة + مايونيز + توست
خذي وحدة توست قطعي أطرافها بالسكين ثم أفرديها بالنشابة بقوة اضغطيها الى أن تصبح جدا جدا رقيقة هذه القطعه وبعد ين حطي في طرفها شويه حشوة وبعدين لفيها زي السجاير ثم ضعي مسحة مايونيز بسيطة حتى تلصقي طرفها يعني العملية كلها .. فرد و برم .. ممكن تحطي بدل الخلطات نقانق مع مسحة مستردة وتلفي التوسته المفرودة فرد ناعم حوله وتلصقي طرفه بالمايونيز نفس الطريقة أنا جربت كمان ألفها حول كفته المفروم يعني الحشوة كما تحبين ……. رصي الفائف في طبق مسطح و زينيه بشرائح الفجل و الجزر وقدمه مع البطاطا المهروسة أو المقلية …….
يسلمو ياقلبي
يسلمو
مشكورة حبيبتي