اغتصب بنت عمه << توجع القلب
السلام عليكم ورحمة الله وبركاته
تبدأ القصة..
أنا فتاه اسمي((ريم))على قدر كبير من الجمال كنت احلم مثل كل فتاه تلبس فستان ابيض,تمشي في لليلة زفافها كالملكه والورود تتناثر عليها…… لي ذكرى مؤلمه في حياتي لاريد ان اتذكرها ولكن ماجعلني اكتبها لكم لغرض واحد وهو اخذ الحيطه دوما لبناتك ((البنت مثل التحفه الثمينه الي اذا انكسرت مستحيل تتصلح واذا تصلحت تبقى الخدوش ظاهره عليها ))اخواتي وأخواني أليكم قصتي التي تذرف دموعي حين تذكرها ويتعب عقلي حين يسترجعها ويكاد يتوقف قلبي حين ذكراها ويكاد ينشل جسمي حينما أعاود عجله الماضي الذي لاتذكر منه شي جميل بحياتي…أليكم قصتي التي سأكتبها باللغه العاميه:
انا فتاه ابلغ من العمر الآن 29 سنه اعمل حالياًمديره لاحدى المعاهد(الحاسب الآلي)الذي املكه,انا وحيدة امي وابوي,ولما كان عمري 13 توفي ابوي وامي بحادث مروري وقتها ان كنت بالمدرسه,ولما جاء نهاية الدوام جلست عند باب المدرسه استنى الوالد فجاءه دخلت زوجت عمي تناديني وتقول ريم يالله ,استغربت وقلت وشفيه ليش ياعمه ابوي ماجاني دخلت السياره وقمت اسأل واقول وشفيه مارضيت ترد علي لدرجة اني سألت السواق وقلت له عم محمد وين ابوي ? ومارد علي ,كنت حاسه بشي غريب دخلت البيت وعرفت الحقيقة….مابغى اسرد التفاصيل لانها مؤلمه ,المهم عمي اصبح ولي امري وزوجته انسانه ماوفيها حقها لو بتكلم عنها لانها عوضتني عن اشياء كثيره بحياتي كان عندهم ولدين سمير)يدرس برا المملكه,(فهد)الله لايسامحه دنيا وآخره اعذروني بس لوبتفهموني بتعذروني المهم (فهد)صايع وضايع اغلب اوقاته سفريات لبرا المملكه للعب وللحرام ولما يجي بالمملكة يصبح كل وقته برا البيت تعب عمي وعمتي فيه,المهم ماكان يكلمني ولايعبرني ولايقول انه لي بنت عم كنت اشوف بوجهه كراهيه للبنت كانت عمتي تقولي انه يكره البنات ويحتقرهم ويقول البنت لازم تندفن(عقليه قديمه متحجره من كثر ماسوى حرام وشاف بنات الغرب على باله ان بنات المسلمين مثلهم) كنت اخاف منه دايم لما اشوفه ,المهم كان لي غرفه خاصه كل شي اطلبه وفره لي عمي الله يغفرله ماكنت اختلط بفهد لانه مايتواجد بالبيت ولما كبرت وصار عمري 16 كان لازم اتغطى عن اولاد عمي كنت دايم اجلس مع عمتي(زوجة عمي)واقولها عن اسراري و احلامي وكانت تطبطب على راسي وتقول ياريم ربي مارزقني بنت لكن رزقني بأفضل من بنت بطني(يعني لو ان لها بنت ماكانت حبتها كثر ماحبتني)كانت هي وعمي يشتكون من ولدهم فهدلانه فضحهم بالشرطه لماوصل عمري 17كنت احلم بسمير ولد عمي الي عمري ماشفته غير مرتين مره لما كنت مع ابوي وامي ومره لما توفي ابوي وجاء يعزي (كان فارس احلامي)نمى ذا الحب عندي وماكان احد يدري لا عمي ولاعمتي ولاهو,كنت دايم اسمع عمي يقول( انا ابغى اوفر لهذي البنت حياة آمنه عشان يرتاح ضميري) ماكان خايف على اولاده لانهم اولاد لكن الخوف دايم يكون على البنت اما الولد يقدر يدبر نفسه اما البنت لازم لها عون ماهو فرعون وعمي كان لي عون هو وزوجته بس ولدهم هدم حياتي وحياة اهله وصار فرعون علينا….واه وش من حياه بس???
كان عمي يقولي تخرجي من الثانويه وادخلك احسن كليه وبفلوس بعد وخارج المملكه كان حالته الماديه جدا مرتفعه تحمست من كلامه ابغى اسافر اتعلم برا ولما وصل عمري19 حدثت الكارثه..
فهد نادرا مايكون بالبيت وعمي مسوي له قسم خاص له عن طريق هذا القسم يقدر يوصل لامه وابوه عن طريق باب كان بين غرفة امه وابوه والقسم الخاص فيه يعني كان له بيت كامل مكمل ماعدا جزء بسيط اعيش فيه وفيه صاله كبيره (كنا نجتمع فيها انا وعمي وعمتي) ذي الصاله فيها باب لغرفة عمي وعمتي يعني البيت مرتب ترتيب يعطي كل واحد خصوصياته ماكنت اتعدى حدودي حدي هالجزء الخاص فيني,وفي يوم من الايام كنا مجتمعين بالصاله نتفرج بمسلسل انا وعمي وعمتي ولما انتهى المسلسل راحوا ينامون جلست بالصاله اتفرج شوي سمعت صوت غريب تصلبت في مكاني ماقدرت اتحرك قمت اتسل شوي شوي عشان اروح غرفتي واقفل الباب …مشيت شوي شوي ودخلت الغرفه وانا ماسكه يد الباب الا واحد وراي يمسك الباب ويقفله بقوه ناظرت لقيته ولد عمي فهد سكران صارخت ناديت بس ياللاسف التلفزيون بالصاله صوته مرتفع يعني مهما صارخت ماراح احد يسمعني وياه … كان غرفتي لها شباك عن طريقه اقدر انادي الشغاله فتحت الشباك وناديت بس كان ال …اقرب من ان احد ينقذني حاول السافل يمسكني وكنت اتخبط من زاويه لزاويه واقوله وانا ابكي:
فهد انا بنت عمك
فهد انا عارك وشرفك والي يعيبني يعيبك
فهد انا امانه عندكم
فهد لاتدمرني
فهد……..((وا ا ا اه من كل قلبي اقولها وا ه ياناس من ينصرني ودي اشوفه يتدمر قدامي ودي اشوفه يتقلب على فراش الالم قدامي))اغتصبني السافل اغتصب شرفه وعرضه اغتصب الامانه الي عندهم اغتصب بنت عمه اغتصب الشي الي يحافظون عليه اهله اغتصب حياتي ودمرني ماقدر اوصف حالتي بذيك الليله كنت منهاره ماتكلم دخلت الشغاله علي وانا شبه عاريه غطتني بسرعه جزاها الله الف خير صرخت وقالت بصوت عالي الحقوها الحقوها ولدكم اغتصبها دخلت عمتي وعمي منصدمين وانا منهاره صامته خلاص كل شي راح كفايه امي وابوي وحتى عرضي افتقدته من اقرب الناس لي فقدنياه الذئب البشري فقدني عرضي وشرفي حطمني حطم حياتي حطم احلامي حطم حلمي في اخوه حطم مستقبلي ماراح اسافر ماراح ادرس ماراح وماراح كل فكره طرت على بالي ذيك اللحظه.جلست قرابة اسبوع منهاره ماتكلم تنومت بمستشفى الامراض النفسيه اسبوع وعمي اصيب بجلطه دماغيه……..والا يومنا الحالي وانا اتعالج عند طبيب نفسي لان اثار الصدمه تلازمني حتى بمنامي ,,,,البيت انقلب من الفعله الشنيعه ,اما السافل فهد اختفى عن الانظار,تدرون ياناس ان فعلة ولد عمي خلتني انسانه عصبيه وعنيده صرت اكره العالم خلاص انا انسانه محطمه ليش الحياة ? كان لي صديقتي(فاطمه) تواسيني تبكي علي كنت احس بحنان لما اشوفها كانت صديقه وفيه.وبعد شهر استسلمنا للامرالواقع كنت ماجالس عمي ولاعمتي ممازاد عمي امراض كان يبكي وينزل على رجولي ويقولي سامحيني يابنتي كنت ابكي واقوله مالك ذنب ياعمي.وبعد احداث كثيره جاء سمير من السفر وكانوا يبغوا يستروا على الخبر قبل لاينتشر للناس سفروا الشغاله لبلادها لانها هي الي شافتني وخافوا لاتعلم احد ماكان يدري غير عمي وعمتي وسمير وفاطمه صديقتي واهلها.وجاء يوم سمير وطلب يشوفني كان يبغى يقولي سالفه كنت ارفض واقول مابغى كفايه الي سواه اخوك روح ماني ناقصتك كنت قاسيه عليهم اه بس,اجبرني وقال لازم نجتمع كلنا تغطيت وخرجت له وجاء عمي وعمتي وفجاءة جاء فهد السافل صرخت وقلت اكرهكم كلكم حاولت اخرج من البيت لكن قالولي فهد بيتزوجك ويغطي على فعلته قبل لاحد يدري من الناس!!! وبعد احداث ورفض وعناد صمدت وقبلت بالحقير
تزوجته على الورق وانزفيت في عرس كبير الناس تتكلم عن عرسي وتقول هنيالها ولكن مادروا اني مجبوره عشاني بنت عشان عرضي انهدر,رحنا لشقه عمي استأجرها لنا دخلت الغرفه وتقفلت نزلت فستان العرس وانا ابكي كنت اتمنى اني البسه لواحد احبه لواحد شريف مايعرف الحرام وش ذنبي انا?انا مثل كل البنات ابغى البس فستان عرس وانا مبسوطه اتدلع على زوجي يدخل حبه قلبي ,بس كل هذا ماصار دفعت ثمن فعله سكران دق الباب علي فتحت له وصرخت بوجهه وقلت ياسافل ياحقير اكرهك ولومسكتني الحين راح اهرب وافضحكم ,كل هذا الي اسويه فيه قليل ياناس دمرني دمرني,ماقدريتكلم سكت لانه غلطان,جلست معاه 7 أشهر ماخليته يمسكني كان يعتذر ويحاول يبر فعلته لكن كنت ماتأثر كل كلمه يقولها تزيدني مناعه ضده,وبعد مامرت الشهور وحنا اغراب بيت واحد طلبت الطلاقوالله ياناس مامانع على طول طلقني بثلاث دمرني اكثر واكثر شلت شنطتي ورحت لبيت عمي الي طاح من قصتي وقال بصوت مهموس الله لايسامحك يافهد ومن بعدها مانطق عمي ولابكلمه مات عمي مات سندي مات ابوي الثاني خلاص كل شي حلو يروح منيكان اهم شي عند عمتي ان الامر يصير مستور قدام الناس.ولما صار عمري23 سنه قالت لي صديقتي فاطمه:
ريم انتي مظلومه في ذي الحياه وربي يبغى يعوضك خير
انا:وش قصدق
فاطمه:صالح اخوي تعرفينه انتي… الي مات زوجته قبل سنه ,عمره 41سنه بس انسان تقي ويخاف ربه,عنده ولد عمره 15 وبنت عمرها11 سنه يبغى يتزوجك وهو عارف ظروفك ومتفهم وضعك(فاطمه كانت واسطة خير فعلا نجحت الله يجزاها خير) وماعنده مانع يبغاك تعوضينه عن اشياء افتقدها وهو ***** الله بيعوضك عن ذي الحياة
فعلا تزوجته بموافقت سمير ولد عمي وموافقت عمتي وكان الفرح عائلي,لكن تعتقدون مرت الليله بهدوء
لا والله تنكدت ذيك الليله,طبعا موغريب هالشي علي طول عمري متنكده ((لاإله الا الله اللهم لاعتراض على حكمك))سامحوني اعزائي فوالله اني لاستطيع ان اتمالك نفسي من همي وألمي
يتبع لعدم كفايه …..
المهم لما دخل صالح واهله واولادة بالصاله عندي قمت اسلم عليهم وباركوا لي كان صالح في نظراته اعجاب كبير بي وكان طول الليل وهو يناظرني متفائل خير على قوله فجاءه دخل فهد من غير مايراعي حرمة الموجودين من غير مايراعي وجود بنات ناس بالبيت قام شدني من شعري وقال تتزوجين من غير ماتقولين لي تتزوجين وانتي الي رفضتي تعيشي معي وخليتي اهلي يحقدون علي نسى اغتصابه لي نسى اني رفضته من افعاله <<ت
الي شفتها فيه وانتهاكه عرضي كان يبغى يثبت رجولته على حسابي وكان انسان يحب ينتقم من خلق الله الضعوف من غير سبب وياكثر ضحاياه من النا س سوا الاجانب او من نفس بلده بس انا اكبر ضحيه في حياته والله ياناس ان فيه ناس تبغى تفرض سيطرتها على خلق الله حتى لوبالحرام وحتى لوعلى امه وابوه, تدخلوا الموجودين وعمتي صارت تطق ولدها بكل قوتها وقام صالح يضرب فهد ويقول انت طليقها مايكفيك العار الي سويته بنت عمك وبعدين ليش تدخل على اهلي من دون ماتستأذن وريم على ذمتي وحصلت هوشه كبيره انتهت بقسم الشرطه وحبس فهد يومين حتى تنازل عن حقه صالح,ماحسيت بطمع الحياه بذيك الليله كلها هم ونكد(كان فهد حاقد علي مايبغاني اتزوج ..هذا انسان كاره الحياه كل شي حرام يعرفه بس ايش ذنبي انا انا الي ماعمري آذيته ولاآذيت اهلهبس عرفنا السبب ان تأثير المخدرات والخمر عليه هو الي يوصله هالمواصيل وانا الضحيه) وبعد ثلاث ايام وبعد هدوء الاوضاع بديت اندمج مع صالح حسيت بالحنان والابوه الي افتقدتها من زمان حسيت انه كل شي بحياتي,كان يساعدني بعلاجي ويحمسني على نسيان الماضي وكان ولده اسمه: (سعيد)وبنته(هيف? ?اء)ك انوا متخوفين مني لكن بعد شهر تأقلمنا مع بعضنا مع ان فارق السن بيننا بسيط جدا ,كانوا ينادوني يمه وكانوا يحسون ان ذي الكلمه ماتناسبني كانوا يقولون انتي اختنا انتي صغيره باقي بس عشان ابوهم كان يجبرهم ينادوني يمه وفعلا صرت ام لهم وابو وخال وعم وصرت الحنان والعطف والحب لهم,ماراح اتطرق لاحداث كثيره تسببها فهد في ايذائنا بس راح اقولكم بعض منها,في يوم من الايام جت عندي عمتي(زوجة عمي)وجلسنا نسولف وكان صالح ماهو موجود بالبيت,فجاءة دق الباب وقالت هيفاء في واحد عند الباب يقول افتحي قمت اشوف من عند الباب الا واذا بسعيد فتح الباب والي عند الباب كان فهد(موراضي يتركني بحالي ماقدر ابلغ عنه اخاف سالفة الاغتصاب احد يدري من الناس عنها لان لودريت الجهات المختصه راح ينذاع الخبر)كنت اتهرب لاني ماكشف عليه وناديت عمتي وانا ارتجف خوف واقول الحقير ياعمه جاء قامت تخاصمه وتقول وايش الي جابك ,تدرون وش سوىمسك امه من يدها بقوه وقال لاتجلسين بيتهم البسي عباتك ويالله(كان يجر امه وكأنه يجر ****)قمت اصيح واقول اخرج يالحقير ماخلصت كلمتي الا ورماني على الارض وحط رجله بوجهي وتلفظ علي بألفاظ بذيئه , أخذ سعيد سكين وطعن فهد بظهره كذا طعنه وصار الي صاروكان هذا دفاع عني(سعيد وهيفاء ماكان عندهم علم بسالفة فهد كانوا دايم السؤال الي محيرهم ليش فهد يسوي فيك كذاكنا انا وابوهم مانرد عليهم بحكم سنهم)وفي قسم الشرطه ماقدر فهد يكسب القضيه لانها كانت ضده وصارت القضيه((دفاع عن النفس))واحد ودخل بيتنا وتهجم على محارم الناس كان هذا عقابه ,فهد طبعا ماجراله شي لانه ذئب بشري سافل ومرت الشهور وكتب ربي وحملت من صالح كنت دايم اروح لدوام بشغلي كنت ادرس بمعهد كان ملكي من معاهد ابوي الله يرحمه وبعد الدراسه صرت مديرته المهم في ذاك اليوم وصل صالح الاولاد لمدارسهم وصلني لمعهدي وفي نهايه الدوام جاء ياخذني صالح ولما قربت لسياره مادريت الا وفهد مسرع بسيارته كان يبغى يصدمني لكن ربي ستر دخلت السياره وانهرت من كثر البكاء ,صالح انقهر وعزم انه ينتقم منه(لكن ياناس ماكان فيه أي اثباتات ضده)وقتها بكيت وقلت:
صالح انت الشي الجميل بحياتي لاتخليني اخسرك ,وفهد ماحد يقدر عليه غير ربك واذا مارحم امه تبغاة يرحمنا صالح حتى امه يضربها فتكفى خله ربي يجازيه,عذب امه واخوه ,اخوه سافر للخارج يشتغل هارب من تصرفات فهدالي فضحهم قدام الناس وامه كانت تعاني منه كان يدفها ويشتمها ويضربها ويقولها والله لوماتسكتين من زنك والله لادفنك تحت الارض مايهتم فيها بس ربي كتب لها اخوان كثير كانوا يهتمون فيها وفعلا صدق الله حينما قال في كتابه الكريم في التغابن((إنما اموالكم وأولادكم فتنه والله عنده اجرٌعظيم))…ولدت وجبت بنت سميناه (طيف) كان صالح يعاني من مرض القلب كان دايم يتعب أي شي يأثر عليه بس كنا انا واولاده موفرين له الامان والهدوء وبعد سنه كتب ربي وحملت للمرة الثانيه وانا في شهري السادس رحت وزرت زوجة عمي لانها كانت طايحه على الفراش فبعد زيارتها وانا خارجه الا وإذافهد طالع للبيت وشافني تراجعت للورى رجعت لغرفة عمتي(يالله ايش اسوي ياعمه فهد جاء )عمتي طايحه وش تقدر تسوي غير انها تطمني بلسانها قمت انادي الشغاله واقول قفلي الباب وطلعت جوالي واتصلت على زوجي وقلتله تعال بسرعه لكن…….دخل فهد الي مايراعي محارم الله (يدخل على أي وحده من غير استأذان مايدري ان الكشف على غير المحارم محرمدام انه صايع وخمار وزاني وحرامي وكل شي شين فيه وشلون يبالي بالمحارم)دخل وقال ايش الي جابك وكنت متنقبه وقتها وانا ارتجف واقوله ازور عمتي كان خطواته تتجه ناحيتي وعمتي تقول اخرج اخرج يافهد اخرج ولاتخلي قلبي يغضب عليك اكثر كانت تقول:ايش الله بلاني فيك كل العالم تشتكي منك وحتى بنت عمك ماسلمت منك,كانت تردد وتقول كفايه انها سامحتك بالي سويته فيها (قصدهاغتصابه لي)خلها يافهد وروح …كان مايدري وش تقول امه كان متجه ناحيتي وكل عيونه شر وكنت انادي واقول للشغاله نادي أي احد وكنت اصارخ وابكي لاني ماكنت اقدر اتحرك بسبب حملي وفجاءه دفني بقوة على الجدار واغمى علي…….ماصحيت الا وانا بالمستشفى …صحيت ولقيت نفسي انسانه اخرى…….انسانه فقدت جنينها…….انسانه لاتستطيع الانجاب مره اخرى………كل هذا من ولد عمي اغتصبني وكرهني بالحياه وافقدني طفلي الثاني لكن الحمد لله تكفيني (طيف) من لحمي ودمي ويكفيني (سعيد وهيفاء)ابنائي الي ماجابهم بطني الحمد لله على نعمته.صرت انسانه عاجزه عن الانجاب بسبب الرميه الي رماني فيها ولد عمي ,فاض الكيل من صالح وجن جنونه ورفع قضيه ضد فهدعلى فعايله الشنيعه لكن لم تستكمل القضيه
صالح مات راح لربه (رحمة الله عليه)تذرف دموعي وانا اكتب لكم عن موته عشت معه خمس سنوات حسيت بالحنان والحمايه وانا معه لكن خلاص راح.. بنتي(طيف)بتعيش نفس معاناتي فقدت ابوها (سعيد وهيفاء)كذالك لكن يشهد علي ربي ماحسستهم بهذا الاحساس كنت لهم الام والابو لكن الخوف من السافل فهد…اجبرني (سمير) ولد عمي اتنازل عن القضيه وفعلا عشان خاطر عمتي العاجزه عن الحركه تنازلت وطلبت من سمير ان يخلي فهد ينسانى ويخليني اربي الايتام بهدوء,كنت ادعي ربي ليل ونهار على فهد ان الله يبليه بلوه كبيره,كان يتعرض لطريقي وطريق الاولاد كان يضرب سعيد من غير سبب كان يشوه صورتي قدام اهل الحي ويقول هذي انسانه منحطه و…و… ا اه بس بعد سنه من موت زوجي وقبل سنه من يومي هذا كتب الله على فهد انه يسجن بسبب تعاطي المخدرات,ساءت احوال عمتي بسبب افعال ابنها العاق ومات بعد ذالك وبيقي سمير الي ماخلاني احتاج شي انا والايتام الله يجزاه الف خير انتقلت الي بيت اهل زوجي وهو عباره عن عماره كبيره سكنا بشقه ملك لزوجي الله يرحمه وكنا في ظل وحماية اخوانه الله يجزاهم خير كنت اوفر كل شي لسعيد وهيفاء وطيف واحاول تربيتهم تربيه صالحه كنت احس ان سعيد وهيفاء جزء مني كبير كنت اعاملهم مثل معاملة طيف بنتي ,وهم ينادوني بيمه وفعلا حسسوني بأني امهم ومانسى سؤالهم الي محيرهم دوم ويش الي بينكم وبين فهد ….وقبل اسبوعين كلمني عم الاولاد وقال وش رايك نزوج هيفاء لولدي ,,انا مامانعت على الرغم ان عمر البنت 17 صغيره عن الزواج في جيلنا هذا تدرون ليش مامانعت
قبل اسبوعين بعد ماكلمني عم الاولاد طلبت من سعيد الي عمره22 سنه وهيفاء الي عمرها17 سنه وطبعا بحضور المشاغبه طيف الي صار عمرها الان6 سنوات طلبت منهم جلسه عائليه وقلت لهيفاء ان ولد عمك طلبك وهو كفوا واهم شي انه يصلي ويخاف ربه كانت هيفاء مقتنعه فيه لكن سعيد عارض وقالي :
يمة عبد الله ولد عمي كبير عن هيفاء عمره سبعه وعشرين وكان يناظر اخته ويقول ياغبيه اشفيك انتظري على الاقل خمس سنوات وكانت هيفاء ساكته ..
انا قلت لسعيد ياسعيد خلهم يتزوجين والله يستر عليهم البنت مالها الازوجها ,قال سعيد وهو معصب لو على موتي ماتزوجه الابعد اربع او خمس سنين على الاقل وشفيكم انهبلتوا انتوا يمه اشفيك البنت صغيره
قلت لهم ياحبايبي لاتخلون الزواج تحدي وبعدين ياسعيد البنت في رأي لازم هذا السن تتزوج وعلى فكره ياسعيد طيف لوبلغت سن 17 بزوجها تدرون ليشقالوا لي ليش يمه
قلت:البنت مثل التحفه الثمينه لو انكسرت ماراح تتصلح ولوتصلحت راح تبقى الخدوش ظاهره عليها,انا ياسعيد وياهيفاء اغتصبت وعمري 19 سنه من فهد وخلاني اعيش حياه مره ليته اكتفى بفعلته لكن كمل مشواره حتى الخلفه فقدتها بسببه وحتى نومي ماتهناه الى الان من المرض النفسي الي اعيشه بسبب فهد بس الحمد لله ربي رزقني فيكم وبطيف وابوكم الله يرحمه عوضني خير كثير فعشان كذا ابغى استر على اختك ياسعيد والبنت في بيت زوجها تطمن عليها كثير والي يطمنا اكثر اذا كان هذا الي بترتبط فيه سنه كبير …هذا جوابي على سؤالكم الي يحيركم عن فهد ,وبدت دموعي تنزل على خدي وبديت احس باعارض الحاله النفسيه تجيني وبكت هيفاء بكاء شديد وحضنتني وبدت تقبل يديني واقدامي وقام سعيد والدموع على خدوده وقالي :والله والله يايمه ريم ان لو أمي عايشه معنا الحين ماكان سوت الي انتي سويتيه لنا في هذي السبع السنين الي تعرفنا عليك فيها فوالله يايمه ريم لاحميك واضل ظلك الي تحتمين فيه من الشمس فوالله يايمه ريم لماتزوج اعيش معك واحميك واحمي خواتي واكون لك ابن بار وصدر حنون مثل ماكنتي لنا الصدر الحنون فوالله هذي كلماته مازدت عليها.
ماني عارفه اعبر عن شعوري لكن الحمد لله على كل شي ,وهمي بالحياه هذي سعيد وهيفاء وطيف ابغاهم اسعد الناس وابعد عنهم كل شي يؤلمهم في هذا الحياه والحمد لله الله رزقني بسند وعون(سعيد) وصدقوني اني الا وقتنا الحاضر وانا اعاني من اثر نفسي سببه لي ابن عمي اتعالج عند طبيب نفسي يهديني بأدويه احس انها ماتفيدني لان الجرح عميق ومايتصلح ابد والحمد لله والان انا اشغل اوقاتي اغلبها في ادارة المعهد والان بنبداء نتعاقد انا وسعيد واخواته مع شركه لبناء مدرسه لحفظ القران لتكون طريق خيرلنا بحياتنا وهذي قصتي الي تقولكم البنت اجمل شي بالحياه لو قريتوا قصص كثيره تعرفون ان البنت ماخيبت امال اهلها كثر ماخيبها الولد اعذروني اخواني الشباب انا اقول البعض ,لان البنت شي ثمين ام للمستقبل وام للاجيال القادمه لكن من يدرك ذلك ومن يرى ان البنت هم وغم فنقول له انظر اللىالحقيقه ..البنت فوالله كنز كبير لازم نحافظ عليه ومانهدره لكن من يدرك ذلك..
……..
بصراحه قصه فضيعه ومحزنه…
