أقوي الناس من يملك زمام أمرة , ولا ينتظر حفنة سعاده من الاّخرين
تلك هي كلمات شهيدة الحجاب الدكتورة مروة الشربيني .
دكتورة مروة الشربيني دي عشان الي مش يعرفها
دي علم من أعلام مصر الي حفروا صورتهم في قلوب كل المسلمين وكل المصرين
دي حاجه أعظم من عرابي وسعد زغلول
مروة الشربيني دي رمز الكرامه الي انت تمشي بيه يامصري وتفتخر ان البنت دي من مصر
دي فتاه متزوجه مش من بعيد يادوب عندها طفل صغير
عايشه هيا وزوجها وطفلها المسكين في ألمانيا
وربنا كان بيحبها وبيقدرها ف إبتلاها بمتطرف جاهل مجرد البصيره !!
كان ساكن معاها في نفس العماره كل لما يشوفها يشدلها الحجاب من عليها بالقهر
ويهينها ويسبها بأقبح الصفات !! عشان حجابها !! إرهابيه بقا
ماشاء الله عقلهم فوق العبقري
وكأن الإرهابي بيلبس تيشرت مكتوب عليه أنا إرهابي ورايح أفجر الشوارع دلوقت !!!
هو نفس الوضع من وجهة نظر ذلك المتطرف الجاهل المتخلف عقليا
أنها إرهابيه وذلك لأنها محجبه !!! ياسلام !!
المهم دكتورة مروة اخر ما زهقت راحت علي المحكمه ورفعت دعوي قضائيه
في محكمه الدرجه الأولي والمحكمه ماشاء الله عليها خدتلها حقها أوي
إديتها 750 يورو عشان الجعانه دي تقفل بقها واهو كام مليم يزغلو عينيها !!!
من غير بقا تعهدات علي الشخص انه لايتعرض ليها تاني
مفيش الكلام ده !!! هما 750 يورو وتصلي ركعتين شكر لله كمان
الغريب في الموضوع إن عم المتطرف حرقاه أوي أنها تكسب القضيه
وحاس انه مظلوم ومش جايله نوم راح مستأنف الحكم !!!
كمان هو الي بيعترض !!!
وفي داخل قاعة محكمة الإستئناف والدعوي القضائيه شغاله
بحضور دكتورة مروة وزوجها وطفلها !!!
قام المتطرف واندفع علي مروة وطعنها طعنه !!!!!! ركز بس واقرا
سمعت !! طعنه وماتستغربش الشرطه كانت موجوده علي فكره !!
طيب إزاي طعنه ومفيش حد لحقها ولا دافع عنها !!
هو كده وإذا كان عاجبك !! والشرطه الي واقفه ؟؟
انت اهبل ياحبيبي انت عاوز الشرطه تمسك ابن بلدها !!!!!!
اسمعوا ياوزارة الداخليه المصريه يالي قفانا إشتكي منكم !!!
المسكينه وهيا بتنضرب وبتنطعن في أقدس مكان لتحقيق العداله قاعة المحكمه
لم تجد من يدافع عنها سوي حبيبها المخلص لها زوجها !!
واندفع ليقف أمامها حتي تأتي الطعنات فيه هو !!!
وكان عقابه …….. ايوة عقاب الشهامه …….. عقاب الدفاع عن الزوجه !!3 طعنات من المتطرف , و طلقة رصاص تتوغل جسده من الشرطه !!!!
أيوة طبعا انت اهبل ولا إيه ؟؟ عاوز تضرب إبن بلدي وأنا واقف ؟؟
أمال المسدس الي في إيدي ده بعمل بيه إيه ؟؟
أكيد بستخدمه عشان أضرب بيه الحشرات الي مش عارفه قيمتها ((زي المصرين كده ))
وضرب الشرطي الزوج في مشهد مأسوي وهو يدافع عن زوجته !! والطفل يري
ذلك المشهد أمام عيناه !! أين الضمير ؟؟ راح مشوار وراجع !!
أين الرأفه بالطفل ؟؟ كركركركر ضحكتني
أين جمعية الرفق بالحيوان ؟؟ لو حتي عاملوها كحيوانه كانوا رحموها !!!
فين الكلام ده كله ؟؟؟
هي دي (( شهيدة الحجاب )) الي محساني بالخجل الشديد من نفسي
ومن حكومتنا المصريه !! ومن المسلمين !!
مش عارفين ناخدلها حقها !! فين كرامتنا !! فين قوتنا !!
أقسم بالله أني أتمني أني أكون مكانها ……. تلك العظيمة ؟؟
وهي لم تخسر شيئا لأن ربنا أرحم علي عباده من الأم علي ولدها !!
يعني تخيل ربنا عمل كده في الدكتورة وعمل كده في زوجها وفي طفلهم !!!
وفي نفس الوقت هو أحن علي عباده من الأم علي ولدها
سبحان الله ……..وله في ذلك حكم !!!!!!!!
حاس بالإهانه ؟؟ حاس إن دي لو زوجتك كنت هتعمل ايه ؟؟
حاس لو انت مكان الطفل الي شايف باباه ومامته بيموتوا قدام عينه !!!
هتعمل إيه !!!! ……………………… ولا حاجه !!
عارفين ليه ؟؟ عارفين ليه كرامتنا في النازل وإهانتنا في الصاعد !!
عشان البنوتات الي زي السكر الي لابسين كارينا ؟؟
وعشان رجالتنا الي زي الفل مخدرات وتسقيط بنطلون وحريم !!
ياجدعان يلا نراعي ربنا عشان ياخدلنا حقنا !!
عاوز تاخد حق البنت دي ؟؟ أقسم بالله ربنا أعظم من كده وحقها مش هيضيع
يلا نشوف معجزة وإحنا قاعدين ؟؟ يلا نرجع حق البنت دي ؟؟
يلا نعمل حاجه صح في حياتنا ؟؟
طيب يلا كلنا نستغفر ربنا ولو عشر دقايق في اليوم
(( وما كان الله ليعذبهم وأنت فيهم . وماكان الله معذبهم وهم يستغفرون ))
والي حصل فينا ده عشان مكنش في حد بيستغفر ربنا !!!
يلا نستغفر ربنا تاني ونوحد الدعاء كلنا ونصلي يوم معين في نفس التوقيت
كلنا مع بعض ونشوف بقا معجزة ربنا , ونشوف المنتقم الجبار !!
ياجدعان الدنيا دي عند ربنا زي جناح بعوضه !!
بص لجناح دبانه كده !! أهو ربنا سبحانه وتعالي بيبص للدنيا زي ما انت بتبص لجناح الدبانه
ربنا أعظم من كل المعاني هو السلطان هو القوي هو الجبار
لأن ربنا ده المنتقم ياجدعان ربنا هو الجبار ربنا هو القوي لا قوي بعده
