عمر البحر ما شال هم السفينه . 2024.

من طبعي ارد الإساءه { بالاحسان }
وأساير ظروف الزمان العينه ..

وأطوف الغلطه من { أفلان .. وفلان }
يعني من أجل { عين } تكرم مدينه ..

الكامل الله والخطا طبع { الانسان }
والدرب يفرق عن يساره ويمينه ..

و { الصاحب } ا للي له معزه وله شان
ان جاني بشينه .. تذكرت زينه ..

اتحمل اخطاءه معي { قدر الأمكان }
من جانبي تبقى العلاقه متينه ..

والي { يغلطني } وانا ماني بغلطان
اصابعي احطها { وسط عينه } ..

مادامني مسلم وفي قلبي إيمان
عمر{ البحر } ماشال هم السفينه ..

مرت علي { انواع .. واشكال .. وألوان }
بين { العقول } الناقصه .. والرزينه

عندي قناعه ان { الإنسان شيطان }
اذا يهينك { لازم } انك تهينه ..

يعني اذا حاجتك { بيدين عدوان }
يكفيك شر المهزله .. والغبينه ..

من{ كثر ماجاني } من الناس خذلان
تحرجني حتى كلمة { الله يعينه }

صحيح لي { ربع .. وجماعه .. وخلان }
وأضيق لكن حاجة الناس.. شينه

الشخص دام انه بكل شي{ خسران }
تأكد انهآ من عمايل { يدينه } ..

من مرحلة { حب .. ومشاعر .. وحرمان }
إن مالعنت الحب تلعنه سنينه ..

اكتب شعر واعزف من { اشواقي الحآن }
واسلي قلوب الغرام الحزينه ..

هلابك يالغلا

منوره الصفحه

لاعدمناهالطله

عيونك أروع