أخواتي الغاليات:
والله إنه ليأسفني جدا ما وصلت إليه حالة البعض منكن مع هذا الداء الذي أطلق عليه(((الوسواس))))
وأخص بالذكر هنا…….(الموووت)
فلكثرة ما أقرأ مشاكل الأخوات مع هذا الداء القاتل أحببت أن أقدم لكن موضوعي….وأتمنى الدعاء لي فبإذن الله قراءته ربع العلاج …وتطبيقه الثلاث أرباع…..
صحيح أني لم أجربه ولله الحمد لكني أملك الخبرة في التعامل معه فما أحببت أن أبخل عليكن به….
ولن أطيل المقدمات سأبدأ بلب الموضوع ….والله ولي التوفيق….
شوفوا يا أخواتي الحلوات….أول شي لح قلك :
ليش تخافين من الموت؟؟
يعني بالله أنت مخلدة في الدنيا….؟؟ولا الموت بعيد عنك؟؟
أنا وأنت وهي وهو ونحن….كلناااا جميعااا سنموووت لا محاالة…لامفر …لا مهرب….
فليش نقعد نفكر ونخاف ونهلع…ربنا يقول لنا سبحانه وتعالى:"كل نفس ذائقة الموت"
والموت لا يعرف صغير ولا كبير لا شيخ ولا شاب …
أمس سمعت خبر وفاة وحدة من بنات المعلمات في مدرسة بالهفوف مع أن سبحان الله البنت مافيهااشي كما يقولون فجأة جاتها جلطة وتوفت الله يرحمها وهي بثالث ثانوي…هل كانت متوقعة؟؟هل كانت خايفة؟؟هل كانت أربع وعشرين ساعة تفكر أنها رح تموت ؟؟؟سبحان الله ….
خليك شجاعة شوفي أهل سوريا مع أنهم عايشين تحت الرصاص وبين عشية وضحاها ….متوقعين خبر وفاة قريب أو صديق….ومع ذلك تشوفينهم طاالعين دااخلين رايحين جايين…ولا كأن الدنيا فيها شي..لا يخافون في الله لومة لائم الله ينصرهم…
فليش أنت تخافي وتقلقي نفسك على أمر لابد منه ؟؟!!
أمر حتما رح تشوفيه!!
طيب هذا شي أنه أمر رح يحصل عاجلا أم آجلا….
وكمان لا تنسي أن عمرك مكتوب عند رب العالمين …
اقري هالحديث:
إن أحدكم يجمع خلقه في بطن أمه أربعين يوما نطفة ثم يكون علقة مثل ذلك ثم يكون مضغة مثل ذلك ثم يرسل إليه الملك فينفخ فيه الروح ويؤمر بأربع كلمات:بكتب رزقه وأجله وعمله وشقي أو سعيد…….الحديث
شفتي ياعسل أجلك مكتوب!!
ونحن لا ندري بأي أرض نموت ولا ندري بأي ساعة ولا أي يوم ….لكن الله سبحانه علام الغيوب…
طيب تعالي أقولك شي
لما كنت بالمدرسة ولما كان يُحدد الاختبار النهائي…للفصل الأول مثلا…هل كنت تخاافي يجي يوم داخل الفصل الأول وتدخل عليك معلمة وتقول شوفوا يا بنات بختبركم اليوم الاختبار النهااائي وكيفكم!!عجبكم ولا رسبوا…!!
بالله عليك مرة توسوست وفكرت أن ممكن يصير مثل هالموقف؟؟أكيد ما مرة فكرت لأنك عارفة أنه ما رح يصير وأن هالاختبار مستحيل يجي إلا بوقته وأن هالمو ضوع لا ريب فيه ولا شك….
طيب يا عسل…..لله المثل الأعلى
حتى الموت نفس الحالة ونفس الوضع محدد وله يوم له ساعة له دقيقة له ثانية له وضع فليش تحاتين أنه يجي بغير يومه وكل ما صار لك شي تقولين خلاااص بموت!!
ما يموت إلا اللي خالص عمره….
سبحان الله …ياما نسمع بناس تقلبوا بحوادث تقلب ونجوا منها ليه ؟؟لأن عمرهم مو خالص…وربي كاتب لهم الحياة…
ياما نسمع أن عاايلة كاملة كانوا طالعين سووا حادث ماتوا كلهم إلا طفلتهم الصغيرة….ليش؟؟لأ عمرها مو خالص…
فانت ليش تقعدي تفكري بهالتفكير…بموت,,,أمي بتموت,,,زوجي بمووت…أختي ماتت…
هالشي موبيدي ولا بيدك ولا بيد دكتور ولا بيد أحد بيد اللي خلقنا ورزقنا هو رح يتوفانا بأي وقت شااء….
وأنا ماودي طول بالكلاام كثير لأني لحد الآن ما وصلت للعلاج…نهائيا …هذي كلهاا مقدمة….لا أكثرر…لريح بالك فيها شوي….لكن ….تعالي نروح للعلاج ,,,,,
سبحان الله!!أحس بتجيني وحدة وتقولي:ما خليت شي ما جربته….
**قرآن دووم شاغل ورقية وأذكار واستغفار ودعااء ومتوكلة على ربي وووو……
أقولها بوركت يمينك وسلمت يداك هذه الخطوة المهمة والخطوة الصحيحة ….لكن ما زال فيك خلل…..
تدرين شو هو؟؟
الخلل هو….
اتباااااااااااااع خطوااااااااات الشيطااااااااااااااااااان
كيف؟؟؟
لا تستعجلي بقولك كيف تتبعينه!!
أكيد الأغلب لما يبدأ معها هالوسواس وبدت تخاف من الموت …صارت تشغل الأنوار في الليل أو تروح تنام مع أخوانها أو جانب امهاا……لا تقولي مستحيل !!أنا قريت قصة وحدة تقول نفس هالكلام…..
وأكيد كمان الوحدة فيكم وأنا أسمع كثيرررر يطبقون هالخطوة يعني مثلا لما تجي تنام ويوسوس لها إبليس ان أمك ماتت تروح توقف فوق راسها وتشوف هل قلبها مازال ينبض وتسمع تسمع وإذا حست ارتاحت ترجع تناام….
وأكيد كمان -وأنا أقرأ مثل هالموقف-….إذا رحت عند دكتورة وضربتك إبرة….وجاك الشيطان وقال أكيد هالإبرة رح تقتلك وأكيد الدكتورة ما غيرتها …تروح الاخت تتصل فيها وتسألها غيرتيها ولا؟؟؟
وإن قالت الدكتورة ايه غيرتها….ما تقتنع….
تتصل بالصيدلية وتقول لو أن الدكتورة ماغيرت الإبرة هل تقتلني وأموت….ولو قال لها الصيدلي لا ياأختي
ما تقتنع…..وتروح تحلل دم وتشوف هل تأثرت من الإبرة أم لا…
وإذا طلعت نتيجة التحليل سليمة ما تقتنع وتقول أكيد هالمشفى دكتوراتها مو تماام بغير المستوصف…
والله في حالات هيك….الله يعينهم
طيب ليش ؟؟؟لأنها ماشية وراء عمو إبليس وهو مبسوط ومستانس ومتشقق ويضحك عليها ليل ونهار لأنه مثل ما يمشيها تمشي
يقول لها أكيد رح تموتي…..تقعد تفكر إذا ماتت من رح يجي مكانها وشو اللي بصير….
وإذا قال لها روحي شوفي فلان ليكون مات تروح تشوفه….
بالله عليك!!أسألك بالله؟؟
كيف تريدين الشفاء وأنت تطيعين عدو الله؟؟
معناها لازم تضيفي لجدول علاجك خطووات هااامة هااامة وبعدها بإذن الله إن شاء الله أضمن لك الشفاااء مئة بالمئة
100%
شوفي غاليتي الخطوة رقم 1
المخاااالفة وأنا أقولك كيف….
شوفي ياقلبي مثلا لو خفت من النوم بالظلام وقعدت تتوسوسين إياك ثم إياك تشغلي ضوء واحد..!!
أكيد بتجيني وحدة تقولي ما أقدررر مستحيلللل شلوون احس بنفجررر….
لا يا حبيبتي مو انت اللي حتنفجري ولا أنت الخايفة أبدا …
انت ما شاء الله عليك مؤمنة تذكرين الله فقلبك مطمئن لكن اللي خايف هو الشيطااان وهو يحس بضيق وفزع…لا حدود له وفوق هيك زعلاااان إنك ما سمعت كلامه فهذي ضربة قوووية في حقه …لأنه ساعتها رح يشعر ببداية الانهزام…وحتى لو اول يوم بكيت والثاني والثالث بس صديقيني نهايتها خير بإذن الله ولمعلوماتكم ما أتكلم أي كلام والله ما رح تندموا بمشيئة الله…
وإذا قالك روحي شوفي بنتك لتكون ماتت ….إياك ثم إياك تروحي …..وإذا قالك روحي تأكدي بالمشفى أن هالأكلة مثلا ما سممت دمك لااااتروحي….
يعني باختصااار مرييحح….جدا
شو ما يقول الشيطان اللعين سوي العكس ولا تقولي ما أقدر تراااه ضعيف وربي إذا قال شي فقوله الحق المبين
"إن كيد الشيطان كان ضعيفا"
وأخبرنا تبارك وتعالى أن الشيطان ليس له سلطان على الذين آمنوا وعلى ربهم يتوكلون….
فانت بمجرد مخالفتك ولو تعذبت في البداية بتكوني تخطيت الخطوة بسلااام وأمان وتذكري انك ما رح تكوني لحالك وأنت صابرة وعم تجاهدي نفسك….
لا يا قلبي ربي معك وهو قال "إن الله مع الصابرين"
الخطوة رقم 2
السخرية والاستهزاء من إبليس
والله ما أمزح والله ما أمزح والله ما امزح
علاااج فعااال جدا أن هالحقير يشوفك ما معطيتي وجه ولا هامك ولا مبالية أبدااا ساعتها رح يرتفع ضغطه تمااام وبالنهااية رح ينجن ويحرم يوسوسلك مرة ثانية إن شاء الله….
يعني لما يجي ويقولك….يا بنت!!أكيد اليوم رح تموتي !!
قولي وبصووت عاااالي:يااااا سلاااام حبيب جااء على فااقة …لا أفلح من ندم…..
أول مرة موشرط تحسي بشي ولا شرط يتغير فيك شي لأنه بكون مازااال عنده امل فيك لكن لما بشوفها تكررت منك رح يسأم ويفر هربااان
وإذا قالك روحي شوفي ابنك أكيد مااات
قولي :الله يرحمه!!ويجمعني فيه بالجنة….
وإذا قالك روحي حللي ليكون طعام العزيمة مسمم لحقي على نفسك…قولي:أبشررر…..من عيووووني
وهكذاا بإذن الله رح يفقد عقله…ليش؟؟
لأن هدفه الأول والأخير أنه يزعجك ويوترك ويخوفك ويزعلك…فإذا شاف أن هدفه ما تحقق رح يتحطم كاامل التحطيم…ولا تستعجلي النتائج لأنه أكيد في البداية رح يقاوم يظن نفسه شديد !!
وكمان لا تنسي ترفعي ضغطه بأدعيتك مثلا
اللهم بعلمك الغيب وقدرتك على الخلق احييني ما علمت الحياة خيرا لي وتوفني إذا علمت الوفاة خيرا لي
وقولي:اللهم اجعل الحياة زيادة لي في كل خير واجعل الموت راحة لي من كل شر
الخطوة رقم 3
التطنيش:وعدم الفرااغ
يعني لما بيجيك الوسواس لا تخلي حالك فاضية على طووول إما اذكري الله بصوت عالي وأذني …واقري قرآن بتمعن…أو تعالي على المنتدى وادخلي أي قسم واقري …أو روحي كلمي وحدة من صديقاتك….ليش؟؟
لأنك لو كنت فاضية بصير الأخ فااضي ويوسوس ويزيد بس لو صرت مشغوولة صح أنك شوي رح تحسي بتوتر بس سبحان الله مهما كان يبقى أخف بكثيررر لأنك دوبك تركزي في القرااءة أو الكلاام وإذا خلصتي بكون خف بدرجة كبيرررة بإذن واحد أحد
الخطوة رقم 4
التسويف والتأجيل
رااائعة وفعااالة ومفيدة وطااردة للوساوس بإذن الله…..
يعني لما يجي ويبدأ يوسوس ويوسوس قولي بنفسك خلااص بسأل صديقتي إذا الواحد سوا مثلي بموت أم لا !!…والله صديقيني بيستناك لتسأليها وبتحسي براااحة عجيبة ….بس انتبهي لا تسأليها مباشرة ….لا اكيد
كل يوم أجلي وكل يوم لبكرة لبكرة حتى بعد أسبوع بإمكانك تفضفضي لها بس رح يكون تعب ونسي وما عاد يقدر يحتال كثيرر
أو فرضا قولي بحط موضوع في النت….
وأنا أقولك ليش بترتاحي؟؟
لأن سبحان الله الواحد لما يفضفض يرتاااح عااادة غير هيك أنك لما بتكوني متأملة إنك رح تلاقي علاج ومتفاائلة بالخير رح ترتاحي أكثر وصدقيني ناافعة هالطريقة كثيرررر انك تأجليه وتخليه ينتظرر
وبالكلام اللي في المقدمة وثقتك أنك ستموتين ستموتين…وأن أجلك مقدر ومكتوب …+الخطوات الأربع من مخالفة وسخرية وتسويف وتطنيش وملء للفراغ=(ستحصلين على )علااااج نهاااائي إن شاء الله
لكن قبل أن أنتهي ….مع أني أطلت كثيرا سامحوني….
أحب أن أبشركم بشرى عظيمة راائعة ستفرحون بإذن الله بعد قراءتها
البشرى تقول:
أكيد كلكم بتعرفوا أن الشيطان خبيث ويمشي بعكسنا صح؟؟
يعني داائما يوسوس لنا ولو ما كان في شيطان كان كل الناس ملتزمين….بس الله يلعنه ….يزين المعااصي
فبتشوفي ربك يقول مثلا لا يسخر قوم من قوم….والناس هالأيام كل شعب يسخر من الثاني
ربك يقول إنما المؤمنون إخوة فأصلحوا بين أخويكم …والناس هالأيام تحرض الناس على بعضها وتفسد وتخرب…
ليش؟؟لأن الشيطان موجود ويمشي عكس ما ربنا يريد
ربك يقول آمنوا……………هو يوسوس بالكفر
ربك يقول صلوا……………هو يشغل الكثير عن الصلاة
يعني افهميها انه يمشي بالضد من حقده
فنحن كمسلمين لازم نمشي ضده وما نتبع هواه وهذا موكلامي كلام رب العزة…يعني
إذا وسوس لنا بالتفرقة بين الناس………نجمعهم ونألف بينهم
إذا وسوس لنا بترك السنن……………..نصليها
ومعناها لما يقول لك أكيد حتموتي………معناها أنت ما حتموتي
عسى وصلت المعلومة؟؟!!
يعني دااائما حطي ببالك أي شي يقوله الشيطان معناها أن ((عكسه هو الصحيح….)))لأنه مو علام الغيوب وما عمره دل على خيرر
فلما يقولك فلان رح يموت….معناها فلان ما رح يموت
وسبحاان الله ….صدقيني صدقيني اليوم اللي رح تموتي فيه ما حيكون فيك وسواس…ولا حتكون جاييتك فكرة أنك حتموتي أو حتفقدي الشخص الفلاني….صدقيني ….
والله يا جماعة أنا أعتذر أني أطلت كثير …واعذرووني
لكن أتمنى لو أنكم استفدتوا ولو بمعلومة بسيطة. وكم يسعدني أن أكون السبب بعد الله في شفائكم ….
م/ن
